ضلع شمالی کینرا میں سرکاری روزگار فراہمی منصوبے پرمتعینہ نشانے سے بھی زیادہ عمل درآمد

Source: S.O. News Service | By I.G. Bhatkali | Published on 15th May 2019, 12:17 AM | ساحلی خبریں |

کاروار:14/مئی (ایس او نیوز) مرکزی حکومت کی طرف سے جاری مہاتما گاندھی نیشنل رورل ایمپلائمنٹ گارنٹی(منریگا) منصوبے کے تحت دیہاتوں میں روزگار فراہم کرنے کا جو منصوبہ ہے اس پر ضلع شمالی کینرا میں متعینہ نشانے سے بھی زیادہ عمل درآمد ہوا ہے۔ اس کی جانکاری دیتے ہوئے ضلع پنچایت سی ای او محمد روشن نے بتایا کہ مالی سال 2019-20کے لئے جو نشانہ طے کیا گیا تھا اس کے مطابق صرف ایک مہینے میں ہی نشانہ پار کرلیا گیاہے۔

 سی ای او کے بیان میں کہا گیا ہے کہ 2019-20 میں جملہ 14لاکھ انسانی ایام کے حساب سے روزگار فراہم کرنے کا نشانہ حکومت نے طے کیا ہے۔  اس میں اپریل مہینے کے لئے82 ہزارانسانی ایام کا نشانہ رکھا گیا تھا مگر اس مہینے میں 93ہزارانسانی ایام تک روزگار فراہم کیا گیا۔اسی طرح مئی کے مہینے کے لئے  41ہزار انسانی ایام کا نشانہ رکھا گیا ہے۔انہوں نے بتایا ہے کہ سال 2018-19میں سرکاری نشانہ 13لاکھ انسانی ایام تھا مگر اس منصوبے پر عمل درآمد کرتے ہوئے 15.06لاکھ انسانی ایام کانشانہ پارکرلیا گیا تھا۔ 

 امسال جنوری سے اپریل تک دیہاتی علاقوں میں جو روزگار فراہم کیا گیا ہے اس کے ذریعے 11.73کروڑ روپے مزدوری ادا کی گئی ہے۔اس منصوبے پر متعینہ نشانے سے زیادہ عمل درآمد کے حساب سے ضلع شمالی کینرا ریاست میں آٹھویں مقام پر ہے۔

ایک نظر اس پر بھی

اُترکنڑا سے چھٹی مرتبہ جیت درج کرنے والے اننت کمار ہیگڑے کی جیت کا فرق ریاست میں سب سے زیادہ؛ اسنوٹیکر کو سب سے زیادہ ووٹ بھٹکل میں حاصل ہوئے

پارلیمانی انتخابات میں شمالی کینرا کے بی جے پی امیدوار اننت کمار ہیگڈے نے پوری ریاست کرناٹک میں سب سے زیادہ ووٹوں سے کامیابی حاصل کی ہے۔ انہوں نے 479649 ووٹوں کی اکثریت سے کانگریس  جے ڈی ایس مشترکہ اُمیدور  آنند اسنوٹیکر  کو شکست دی ۔

ریاست میں کبھی ہار کا منھ نہ دیکھنے والے سیاسی لیڈروں کی ذلت بھری شکست

ریاست کرناٹکا میں انتخابی میدان میں کبھی ہار کا منھ نہ دیکھنے والے چند نامورسیاسی لیڈران جیسے ملیکا ارجن کھرگے، دیوے گوڈا، ویرپا موئیلی اورکے ایچ منی اَپا وغیرہ کو اس مرتبہ پارلیمانی انتخاب میں انتہائی ذلت آمیز شکست سے دوچار ہونا پڑا ہے۔ 

منگلورو:کلاس میں اسکارف پہننے پر سینٹ ایگنیس کالج نے طالبہ کو دیا ٹرانسفر سرٹفکیٹ۔طالبہ نے ظاہر کیاہائی کورٹ سے رجوع ہونے اور احتجاجی مظاہرے کاارادہ

کلاس روم میں اسکارف پہن کر حاضر رہنے کی پاداش میں منگلورومیں واقع سینٹ ایگنیس کالج نے پی یو سی سال دوم کی طالبہ فاطمہ فضیلا کو ٹرانسفر سرٹفکیٹ دیتے ہوئے کالج سے باہر کا راستہ دکھا دیا ہے۔

بھٹکل میں رمضان باکڑہ کی نیلامی؛ 40 باکڑوں کے لئے میونسپالٹی کو 1126 درخواستیں

رمضان کے آخری عشرہ کے لئے بھٹکل  میں لگنے والے رمضان باکڑہ کی آج میونسپالٹی کی جانب سے  نیلامی کی گئی۔ بتایا گیاہے کہ 40 باکڑوں کی نیلامی کے لئے  میونسپالٹی کے جملہ 1126 درخواست فارمس فروخت ہوئے تھے۔