کورونا مریضوں کو اسپتال سے ڈسچارج کی پالیسی میں تبدیلی؛ ہلکی علامت والے مریضوں کو 10 دنوں میں چھٹی
نئی دہلی، 10؍مئی (ایس او نیوز؍ایجنسی) وزارت صحت نے کورونا مریضوں کو اسپتال سے چھٹی دینے کی پالیسی میں تبدیلی کی ہے ۔ ایسے مریض جنہیں بہت ہلکی ہلکی یا پھرانفکیشن سے قبل کی علامت ہیں انہیں کو ڈکیئر فیسلٹی میں داخل کیا جائے گا۔ ان کے جسم کا درجہ حرارت اور آکسنج کی سطح کی لگاتار جانچ ہوگی۔ ایسے مریضوں کو 10 دنوں بعد چھٹی دی جاسکتی ہے۔ شرط یہ ہے کہ انہیں 3 دنوں سے بخار نہیں آیا ہو۔ ڈسچارج سے قبل کورونا ٹیسٹ ضروری نہیں ہوگا لیکن گھر جانے کے بعد 7 دنوں تک آئسولیشن میں رہنا پڑے گا۔ کورونا کی اوسط علامت والے مریض آکسیجن بیڈ والے ڈیڈی کیٹیڈ کوڈ ہیلتھ سنٹر میں بھرتی کئے جائیں گے ۔ اگر بخار 3 دنوں میں اتر جاتا ہے اور اگلے چار دونوں تک آکسیجن لیول 95 فیصد سے زیادہ رہتا ہے تو 10 دنوں بعد چھٹی دی جاسکتی ہے لیکن سانس لینے میں وقت اور آکسیجن کی ضرورت نہیں ہونی چاہئے۔ اوسطً علامت والے معاملے میں بھی اسپتال سے چھٹی سے قبل ٹیسٹ ضروری نہیں ہوگا۔ ایسے مریض جو آکسیجن سپورٹ پر ہیں اور 3 دنوں میں بخار نہیں اترتا انہیں بیماری کی علامت پوری طرح ختم ہونے پر ہی چھٹی دی جائے گی۔ لیکن لگاتار 3 دنوں تک بلڈ میں آکسیجن کی سطح مینٹن ہونا چاہئے۔ ان مریضوں کو پوری طرح صحت مند ہونے کے بعد ہی چھٹی دی جائے گی۔ ڈسچارج سے قبل ایسے مریضوں کا کورونا ٹیسٹ بھی ہوگا۔ ان کی رپورٹ نیگیٹو آنی چاہئے ۔سنگین معاملوں میں کورونا شامل ہوں گے جن میں پہلے سے کسی سنگین بیماری کی وجہ سے امیونٹی کی کمی ہے جیسے ایچ آئی وی مریض ، آرگن ٹرانسپلانٹ والے یا کسی اور سنگین بیمار والے مریض ہوں۔