یکم جولائی سے کرناٹک میں اسکول کھل جائیں گے۔کلاسس شروع کرنے کے لئے مرحلہ وار تاریخوں کا اعلان

Source: S.O. News Service | Published on 3rd June 2020, 1:47 PM | ریاستی خبریں | ان خبروں کو پڑھنا مت بھولئے |

بنگلورو،3؍جون(ایس او نیوز)کرناٹک حکومت نے ریاست بھر میں یکم جولائی سے مرحلہ وار پرائمری اور سکینڈری اسکول کھول دینے کے احکامات جاری کر دئیے ہیں - وزیر برائے بنیادی و ثانوی تعلیم سریش کمار کی صدارت میں محکمہ تعلیمات عامہ کے اعلیٰ عہدیداروں کی میٹنگ کے بعد کمشنر برائے تعلیمات عامہ کی جانب سے اسکولس کھولنے کی تاریخوں کا باضابطہ اعلان کردیا گیا ہے- وزیر تعلیم کی میٹنگ میں محکمہ تعلیمات عامہ کے پرنسپل سکریٹری، ثانوی تعلیمات کے کمشنر اور دیگر افسروں کے ساتھ میٹنگ میں سریش کمار نے فیصلہ لیا کہ یکم جولائی سے ریاست بھر میں اسکول مرحلہ وارکھول دئیے جائیں -

محکمہ کی طرف سے جاری حکم نامہ میں کہا گیا ہے کہ تمام تعلیمی اداروں کے عملہ سے کہا جائے کہ وہ5جون سے اپنے کام پر حاضر رہے- تمام سرکاری اسکولوں کے عملہ سے کہا گیا ہے کہ جن اسکولوں میں ان کی تعیناتی ہے وہاں وہ 8جون سے حاضر ہو جائیں - اسی تاریخ سے رواں تعلیمی سال کے داخلوں کا عمل بھی شروع ہو جائے گا-سرکلر میں کہا گیا ہے کہ یکم جولائی سے تعلیمی سرگرمیوں کی شروعات کے مرحلہ تک بھی حکومت حالات پر مسلسل نظر رکھے گی اور اس وقت تک بھی اگر فیصلہ بدلنے کی ضرورت محسوس ہو توبدلا جائے گا-

اسکولس کھولنے طے کی گئی تاریخیں

٭یکم جولائی:چوتھی جماعت سے ساتویں جماعت تک
٭15جولائی:پہلی جماعت سے تیسری جماعت تک
                    آٹھویں جماعت سے دسویں جماعت تک
٭ 20جولائی : پری پرائمری کلاسس

ایک نظر اس پر بھی

کرناٹک کے بلاری ضلع میں کورونا سے مرنے والوں کی غیر مہذب تدفین کا واقعہ انسانیت سوز: ایس ڈی پی آئی

 سوشیل ڈیموکریٹک پارٹی آف انڈیا (ایس ڈی پی آئی)کرناٹک شاخہ نے بلاری ضلع میں کورونا سے مرنے والوں کی انتہائی غیر مہذب تدفین کے واقعہ کی شدید مذمت کرتے ہوئے اسے انسانیت سوز قرار دیا ہے۔

سرسی کی ڈاکٹر مبارک النساء تونسے نے حاصل کی کینسر کے علاج میں سوپر اسپیشالٹی کی ڈگری 

سرسی کے معروف سماجی قائد جناب عباس تونسے کی دختر ڈاکٹر مبار ک النسا ء نے ایک لائق تحسین کارنامہ انجام دیتے ہوئے دوائی کے ذریعے کینسر کا علاج (میڈیکل آنکولوجی) کے شعبے میں خصوصی مہارت (سوپر اسپیشالٹی) کی تربیت مکمل کرتے ہوئے ڈی ایم کی ڈگری حاصل کی ہے۔

بھٹکل: ہر اتوار کو ہوگامکمل لاک ڈاؤن،5 جولائی سے ہوگا نائٹ کرفیو، شب 8بجے سے صبح 5بجے تک مکمل بند

ضلع شمالی کینرا کے ڈپٹی کمشنر ڈاکٹر ہریش کمار نے اپنے ایک  اخباری بیان میں کہا ہے کہ کورونا وباء کی بگڑتی ہوئی صورت حال کے پیش نظر ریاستی حکومت نے لاک ڈاؤن قوانین میں مزید سختی برتنے کا فیصلہ کیا ہے۔جس کے تحت آئندہ 5جولائی سے 2 اگست تک ہر اتوار کے دن ضلع بھر میں مکمل لاک ڈاؤن رہے ...