ریاستی حکومت کا استحکام خطرے میں نہیں:پرمیشور

Source: S.O. News Service | By Shahid Mukhtesar | Published on 28th August 2018, 10:39 PM | ریاستی خبریں |

بنگلورو،28؍اگست(ایس او نیوز) نائب وزیر اعلیٰ ڈاکٹر جی پرمیشور نے ریاستی حکومت کے استحکام کے متعلق قیاس آرائیوں کو مسترد کرتے ہوئے کہا ہے کہ حکومت مستحکم ہے، اور اس کے گر جانے کے متعلق جو بھی قیاس آرائی کی جارہی ہے وہ فضول ہے۔

اخباری نمائندوں سے بات چیت کرتے ہوئے انہوں نے کہاکہ بعض حلقوں میں کہاجارہاہے کہ یہ حکومت اگلے ماہ کی ابتدا ء میں گر جائے گی، لیکن وہ واضح کردینا چاہتے ہیں کہ اگلے ماہ ، اس کے بعد کے مہینے ، اور پھر کئی مہینوں تک یہ حکومت برقرار رہے گی۔

انہوں نے کہاکہ اے آئی سی سی جنرل سکریٹری انچارج برائے کرناٹک کے سی وینو گوپال یکم اور 2؍ ستمبر کو میٹنگ میں پچھلے تین ماہ کے دوران ریاستی حکومت خاص طور پر کانگریس کے وزراء کی کارکردگی کا جائزہ لیا جائے گا۔ انہوں نے کہاکہ پہلے ہی داخلی سطح پر کارکردگی کا جائزہ لینے کے بعد انہوں نے اعلیٰ کمان کو رپورٹ روانہ کردی ہے۔

انہوں نے کہاکہ وینو گوپال کی دوروزہ میٹنگ کے دوران لوک سبھا انتخابات کے لئے پارٹی کی تیاریوں کا جائزہ لیا جائے گا۔ صحافی گوری لنکیش کے قتل کے ملزمین کا ہندو بنیاد پرست تنظیم سناتھن سنستھا سے تعلق کے بارے میں کئے گئے سوال پر ڈاکٹر پرمیشور نے دبے الفاظ میں اس تنظیم کی حمایت کرتے ہوئے کہاکہ اس سلسلے میں اب تک پولیس کو کوئی پختہ ثبوت نہیں ملے ہیں۔

اگر پختہ ثبوت برآمد ہوئے تو اس پر پابندی کی سفارش کی جائے گی۔ ڈاکٹر پرمیشور نے بتایاکہ بلدی انتخابات کے بعد ریاست کی مخلوط حکومت کی رابطہ کمیٹی کا اجلاس منعقد ہوگا۔ جس میں مختلف امور زیر بحث آئیں گے۔ وزیر اعلیٰ ایچ ڈی کمار سوامی اور رابطہ کمیٹی کے چیرمین سدرامیا آپسی تبادلۂ خیال کے بعد میٹنگ کی تاریخ کا تعین کریں گے۔

ایک نظر اس پر بھی

عالمی یوم بنات کے موقع پر بنگلور کی اقرا اسکول کی نور عائشہ کا لڑکوں کی تعلیم کے ساتھ لڑکیوں کی تعلیم پر توجہ دینے کی ضرورت پر زور

عالمی یوم بنات کے موقع پر  اقرا انٹرنیشنل اسکول بنگلور کی بانی ڈائرکٹر نور عائشہ نے   معاشرتی خرابیوں کو دور کرنے کے لئے مسلمانوں پر زور دیا کہ مسلمانوں کو لڑکیوں کی تعلیم پر بھی اتنی ہی اہمیت دینی چاہیے جتنی اہمیت وہ لڑکوں کی تعلیم پر دیتے ہیں۔ کارڈف سے بزنس گریجویٹ نور ...

بنگلور میں منعقدہ پاپولر فرنٹ آف انڈیا کے زیراہتمام دلت-مسلم مذاکرہ میں سماجی اتحاد کی کوششوں کو مضبوط کرنے کا عزم

پاپولر فرنٹ آف انڈیا کے زیرِ اہتمام منعقدہ دلت-مسلم مذاکرہ میں شریک مندوبین نے زمینی سطح پر سماجی اتحاد کی تعمیر کے لئے قدم اٹھانے اور دلتوں اور مسلمانوں کے مشترکہ مسائل کے حل کے لئے مشترکہ حکمت عملی تیار کرنے کے عزم کا اظہار کیا

این آر سی کے متعلق مسلمان پریشان کیوں نہ ہوں؟ امیت شاہ کا فرمان اور ریاستی وزیر داخلہ بومئی کا متضاد بیان- کسے مانیں کسے چھوڑیں؟

کیا کرناٹک میں این آر سی کے نفاذ کے معاملے میں ریاستی حکومت کا موقف مرکزی حکومت خاص طور پر مرکزی وزیر داخلہ امیت شاہ کے موقف سے مختلف ہے- حالانکہ امیت شاہ نے حال ہی میں مغربی بنگال میں ایک بیان دیا تھا کہ اس ملک میں این آر سی کا عمل پورا ہونے کے بعد غیر ملکی قرار پانے والے ہندو، ...

سرکاری اسکولوں میں داخلوں میں اضافہ کیلئے تعلیمی معیار کو بہتر بنانا ضروری

ریاستی حکومت کی طرف سے آر ٹی ای قانون میں ترمیم کے بعد جاریہ تعلیمی سال اگرچہ کہ سرکاری اسکولوں میں بچوں کے داخلوں کے معاملہ میں کچھ اضافہ دیکھا گیا ہے، مگر محکمہ تعلیم اس اضافہ سے مطمئن نہیں ہے اس لئے کہ یہ نتائج اس کی امیدوں کے مطابق نہیں رہے ہیں،

بنگلورومیں کاروباری گروپ پر چھاپہ، 100کروڑ کی غیراعلانیہ آمدنی کا انکشاف

کرناٹک میں انکم ٹیکس محکمہ نے تعلیمی ادارے چلانے والے ایک کاروباری گروپ کے یہاں کئی کمپلکسوں پر چھاپے مارے جس میں تقریباََ 100 کروڑ روپے کی غیراعلانیہ آمدنی کے ثبوت ملنے کے ساتھ ہی 8.82 کروڑ روپے کی غیر اعلان شدہ املاک ضبط کی گئی ہے۔