بنگلورو،14؍نومبر(ایس او  نیوز)ریاستی وزیر برائے صحت وخاندانی بہبود ڈاکٹر کے سدھاکر نے بتا یا کہ ریاست میں غریب،پسماندہ اور درمیانی طبقات کو رعایتی قیمت میں ادویات اور سرجری کے ساز وسامان فراہم کرنے پردھان منتری جن اوشدھی اسکیم بہتر طریقہ سے جاری کی جارہی ہے اور ابتک1,052جن اوشدھی مراکز قائم کئے گئے ہیں۔

یہاں اخباری نمائندوں سے بات کر تے ہو ئے ڈاکٹر سدھا کر نے اس بات کی جانکاری دی اور کہا کہ جن اوشد ھی مراکز قائم کرنے میں ملک میں اتر پردیش کو پہلا مقام اور کرناٹک کو دوسرا مقام حاصل ہے جبکہ کیرلا تیسرے مقام پر ہے۔ انہوں نے کہا کہ دیہی علاقوں میں زیادہ جن اوشدھی مراکز قائم کرنے حکومت اہمیت دے رہی ہے اور ریاست میں مزید500نئے مراکز قائم کر نے کا منصوبہ ہے۔ سرکاری اسپتالوں میں تقریباً40مراکز قائم کرنے کی اجازت دینے پی پی آئی کو پیشکش روانہ کی گئی ہے،امسال فروری کے بعد تقریباً300مراکز قائم کئے گئے ہیں اور حسب ضرورت مراکز ائم کئے جائیں گے۔

ڈاکٹر سدھا کر نے بتا یا کہ ریاست میں جن اوشدھی مراکز بہتر طریقہ سے خدمات انجام دے رہے ہیں،سرکاری اسپتالوں میں تقریباً200مراکز ہیں،شمالی کرناٹک،او لڈ میسور علاقوں میں بھی مراکز قائم کرنے دباؤ ڈالا جارہا ہے،جس کے تحت منڈیا ضلع کے کے ایم دوڈی دیہات میں مرکز قائم کیا گیا ہے۔انہوں نے بتا یا کہ ریاست میں جنرک ادویات برانڈ یڈ ہیں مارکیٹ میں 50تا80فیصد سستے داموں میں دستیاب ہیں، این اے جی ایل لیبا ٹری میں جن اوشدھی کے ادویات کا ٹسٹ کرکے مراکز روانہ کیا جا رہا ہے۔

ڈاکٹر سدھا کر نے بتا یا کہ جن اوشدھی مراکز سے بی پی ایل راشن کارڈ ہو لڈرس اور غریبوں کوزیادہ فائدہ ہو رہا ہے۔ انہوں نے مزید بتا یا کہ سرکاری اسپتالوں کے احاطہ میں جن اوشدھی مراکز قائم کرنے فارمیسی گریجوئیٹس زیادہ دباؤ ڈال رہے ہیں اور بیو رو آف فارمیسی پبلک سکٹر یونٹس آف انڈیا(بی پی پی آئی) کی جانب سے ہر ایک مرکز کیلئے ماہانہ کاروبار کے حساب سے15تا50ہزار روپئے سبسیڈی دی جائے گی۔