ری پبلیکن رکن کانگریس کی پستول کے ساتھ ووٹنگ ہال میں آمد، پولیس کی تحقیقات

Source: S.O. News Service | By JD Bhatkali | Published on 23rd January 2021, 6:51 PM | عالمی خبریں |

واشنگٹن،23جنوری (آئی این ایس انڈیا) امریکا میں 6 جنوری کو کانگریس کی عمارت پر پرتشدد دھاوے اور اس کے نتیجے میں پیدا ہونے والی صورت حال کے اثرات ابھی ختم نہیں ہوئے کہ ری پبلیکن پارٹی کے ایک رکن کانگریس ایوان نمائندگان میں پستول لے کر پہنچ گئے۔

کیپیٹل کی پولیس نے ری پبلیکن رکن کانگریس کی طرف سے ووٹن ہال میں پستول لانے کے واقعے کی تحقیقات شروع کی ہیں۔ پولیس ترجمان کا کہنا ہے کہ رکن کانگریس 'اینڈی ہیرس' ایوان میں پستول کے ساتھ داخل ہوئے تھے۔ اس واقعے کی تحقیقات شروع کر دی گئی ہیں۔

خیال رہے کہ ری پبلیکن رکن کانگریس کو ایوان نمائندگان میں ووٹنگ کے دوران پستول کے ساتھ اندر آنے کی کوشش کے دوران روکا گیا تھا۔

این بی سی نیوز کے مطابق ہیرس نے اسلحہ کے ساتھ اندر جانے سے منع کرنے کے بعد ری پبلیکن رکن جان کٹکو سے مختصر ملاقات کی۔ شاید انہوں‌ نے پستول اندر لے جانے سے متعلق ان کے تبادلہ خیال کیا تھا۔

کیپیٹل پولیس کے ایک عہدیدار نے امریکی چینل کو بتایا کہ وہاں موجود ایک سکیورٹی اہلکار نے ایوان نمائندگان کے رکن کے پاس آتشیں اسلحہ دیکھا اور اپنے سینیر افسر کو اس بارے میں مطلع کیا۔ پولیس نے ہیرس کو ہال میں جانے سے روک دیا تھا۔

یہ بات قابل ذکر ہے کہ ایوان کی اسپیکر نینسی پیلوسی نے کیپٹل کی عمارت پر حملے کے بعد عمارت کے داخلی راستوں پر دھاتی اشیا کی نشاندہی کرنے والے آلات نصب کرنے کا مطالبہ کیا تھا۔

ایک نظر اس پر بھی

شامی کرنسی کی قیمت ڈالر کے مقابلے میں 99 فی صد گر گئی

گذشتہ کئی سال سے مسلسل زوال کا شکار شام کی قومی کرنسی لیرہ گذشتہ روز دھڑام سے مزید نیچے جا پہنچی۔ خبر رساں ادارے 'ے ایف پی' کے مطابق گذشتہ روز شامی لیرہ کی امریکی ڈالر کے مقابلے میں قیمت 99 فی صد گر گئی جس کے بعد امریکی ڈالر کی قیمت 4 ہزار لیرہ کے برابر ہو گئی ہے۔

افغانستان میں تین خاتون صحافیوں کا قتل، امریکی سفارتخانے اور افغان میڈیا گروپس کی مذمت

افغان حکام کا کہنا ہے کہ ملک کے مشرقی شہر جلال آباد میں منگل کے روز تین خاتون صحافیوں کو گولیاں مار کے ہلاک کر دیا گیا۔ افغانستان کے شہری علاقوں میں پروفیشنل ورکرز پر حالیہ دنوں میں ہونے والے حملوں کی وجہ سے ملک میں خوف کی فضا قائم ہے۔

سری لنکا : بھارت اور جاپان کو کولمبو بندرگاہ پر ٹرمینل تعمیر کرنے کی اجازت

سری لنکا میں حکومت نے اعلان کیا ہے کہ اس نے بھارت اور جاپان کو اپنی مرکزی بندرگاہ پر کنٹینر ٹرمینل کی تعمیر کی اجازت دے دی ہے۔ اس سے قبل، سری لنکا نے دونوں ملکوں کے ساتھ اسی بندرگاہ پر ٹرمینل بنانے کے سمجھوتے کو 2019 میں ٹریڈ یونینوں اور حزب مخالف کی جانب سے ہفتوں تک جاری رہنے والے ...

امریکا اور سعودی عرب کے عسکری تعلقات میں پیش رفت ہو رہی ہے: پینٹاگان

امریکی وزارت دفاع پینٹاگان نے باور کرایا ہے کہ امریکا سعودی عرب کی ایک تزویراتی اتحادی کی حیثیت سے اس کی مدد اور حمایت جاری رکھے گا۔ وزارت دفاع کا کہنا ہے کہ امریکا اور سعودی عرب کے باہمی تعلقات میں تیزی کےساتھ پیش رفت ہو رہی ہے۔