کورونا وباء اور لاک ڈاون کے چلتے دبئی میں پھنسے بھٹکل کے عوام کے لئے زبردست خوش خبری؛ 11 جون کو مینگلور کے لئے نکل رہی ہے چارٹرڈ فلائٹ

Source: S.O. News Service | By I.G. Bhatkali | Published on 30th May 2020, 9:44 PM | ساحلی خبریں | خلیجی خبریں |

بھٹکل30/مئی (ایس او نیوز) کورونا وباء کے بعدلاک ڈاون کے چلتے دبئی اور عرب امارات میں پھنسے بھٹکل اور اطراف کے عوام کے لئے ایک زبردست خوش خبری یہ ہے کہ  بھٹکل کے معروف بزنس مین اور نُہیٰ جنرل ٹریڈنگ کمپنی    کے مالک جناب عتیق الرحمن مُنیری نے  عوام کی تکلیفات کو دور کرنے اور اُنہیں اُن کے وطن  واپس روانہ کرنے کے لئے ایک چارٹرڈ فلائٹ کا انتظام کیا ہے جس کے ذریعے بھٹکل اور اطراف کے عوام  مینگلور کے لئے روانہ ہوسکتے ہیں۔

فلائٹ عرب امارات کے راس الخیمہ سے مینگلور ائرپورٹ کے لئے مورخہ 11/ جون کو اُڑان بھرے گی، اس تعلق سے  انڈین ایمباسی، ائرلائنس حکام ، اُترکنڑا کے ڈپٹی کمشنر اور  اس سے ملحقہ تمام ذمہ داران سے بات چیت ہوچکی ہے۔ ڈپٹی کمشنر نے بتایا ہے کہ   دبئی سے بھٹکل  پہنچنے والوں کے لئے پہلے سات دنوں تک  بھٹکل کے کسی ہوٹل یا انجمن کورنٹائن سینٹر میں کورنٹائن کرنا ہوگا، پھر سات دنوں تک ہوم کورنٹائن کرنا ہوگا۔اگر لوگوں کے بھٹکل پہنچنے تک یعنی 11/ جون تک کورنٹائن کے قانون میں مزید نرمی  آتی ہے تو پھر اُسی حساب سے کورنٹائن کیا جاسکتا ہے۔

جناب عتیق الرحمن مُنیری نے بتایا کہ  دبئی اور عرب امارات کے مختلف شہروں میں  بھٹکل کے  سینکڑوں لوگ  بے حد پریشان ہیں اور وہ بھٹکل جانا چاہتے ہیں، مگر سرکار کی طرف سے فلائٹ کی کوئی سروس نہیں ہے، ایمباسی سے رابطہ کرنے پر اُنہیں بتایا گیا کہ اگر کوئی خود چارٹرڈ فلائٹ کرکے اپنے  طور پر لوگوں کو روانہ کرنا چاہیں تو  ایمباسی کی طرف سے  ہر ممکن تعاون دیا جاسکتا ہے۔ اس بات کی جانکاری ملتے ہی عتیق الرحمن مُنیری نے پرائیویٹ ایرلائنس کمپنی سے رابطہ  کیا، اور ایک فلائٹ 11/ جون کے لئے حاصل کی ۔ فلائٹ میں 175 نششتیں ہوں گی۔

عتیق الرحمن مُنیری نے  دبئی میں مقیم بھٹکل اور اطراف کے لوگوں سے درخواست کی ہے کہ جو بھی لوگ  اس فلائٹ کے ذریعے بھٹکل جانا چاہتے ہوں وہ   پہلی فرصت میں رابطہ کریں۔ انہوں نے کہا کہ ائیر ٹکٹ اور ہوٹل کورنٹائن وغیرہ کے چارجس بالکل مناسب رہیں گے۔

اس تعلق سے مزید تفصیلات کے لئے ان ذمہ داران سے  فوراً رابطہ کرکے اپنی سیٹ کنفرم کراسکتے ہیں۔

 جیلانی محتشم:  0505584203..... رحمت اللہ راہی: 0505643432 ۔۔۔۔ شہریار خطیب :  0505560640 ....... یاسر قاسمجی:  0506251833 ۔۔۔۔۔۔ آفاق نائطے : 0505845537

مزید تفصیلات یا پاسپورٹ کاپی وغیرہ اس ای میل پتہ پر روانہ کی جاسکتی ہے:   [email protected]

جناب عتیق الرحمن مُنیری نے بتایا کہ  کورونا وباء پھیلنے کے بعد جس طرح دنیا بھر میں عوام الناس کو سخت تکلیفات  کا سامنا کرنا پڑا، دبئی میں  مقیم بھٹکل کے  لوگوں کو بھی بہت زیادہ پریشانیاں اُٹھانی پڑیں۔   لاک ڈاون کی وجہ سے ایک طرف ہوائی سفر پر پابندی عائد ہوگئی، اُسی طرح  بھٹکل کو کنٹیمنٹ زون قرار دیئے جانے اور چودہ دنوں تک دوسرے علاقوں میں کورنٹائن کرکے ہی بھٹکل میں داخل ہونے کی اجازت دئے جانے سے بھی  بہت سارے لوگوں کو  تکلیفات کا سامنا کرنا پڑا۔

عتیق الرحمن  مُنیری نے بتایا کہ  کئی نوجوان وزٹ ویزا پر دبئی میں پہنچ کر لاک ڈاون میں پھنس گئے ہیں کئی لوگ نوکریاں حاصل کرنے کے لئے آئے تھے، لیکن لاک ڈاون سے ویزا کی میعاد ختم ہوگئی، کئی لوگ دو ڈھائی ماہ سے پھنسے ہوئے ہیں، کئی لوگوں کی نوکریاں چلی گئی ہیں، کئی لوگوں کو لاک ڈاون کی وجہ سے تنخواہیں نہیں ملی ہیں، جبکہ کئی لوگ بیمار ہیں اور انڈیا پہنچ کر علاج کروانا چاہتے ہیں، ایسے تمام لوگوں کی پریشانیوں کو دیکھتے ہوئے انہوں نے فیصلہ کیا کہ  اس کے لئے ایک چارٹرڈ فلائٹ ہی  حاصل کرکے ان کو واپس وطن بھیجنے کا انتظام کیا جائے۔

دبئی سے راس الخیمہ  اور مینگلور سے بھٹکل جانے کے لئے بس سروس:   چونکہ فلائٹ راس الخیمہ ائرپورٹ سے مینگلور کے لئے اُڑان بھرے گی، اس  کو دیکھتے ہوئے دبئی سے ائرپورٹ کے لئے خصوصی بس کا انتظام کیا جائے گا، اسی طرح مینگلور ائرپورٹ پر اُترنے کے بعد  ائرپورٹ سے بھٹکل کے لئے بس کا انتظام ہوگا۔ بھٹکل میں قومی سماجی ادارہ مجلس اصلاح و تنظیم کے  ذمہ داران سے بھی گفتگو ہوچکی ہے اور  تنظیم کی طرف سے   کورنٹائن وغیرہ کے تعلق سے بھی ہر ممکن تعاون فراہم کی جائے گی۔  سرکاری سطح پر بھی جناب ارشد محتشم کے توسط سے    ڈپٹی کمشنر ڈاکٹر ہریش کمار سے  برابر رابط ہے، توقع ہے کہ  سرکاری طور پر بھی کسی بھی طرح کی کوئی پریشانی نہیں ہوگی۔ 

عتیق الرحمن مُنیری نے بتایا کہ  سیٹ کنفرم کرانے کے لئے  جو لوگ پہلے رابطہ کریں گے، اُن کو ہی اولین ترجیح دی جائے گی۔ انہوں نے یہ بھی بتایا کہ  کل اتوار تک اگر مینگلور جانے والوں    کی لسٹ تیار ہوتی ہے تو کل ہی انڈین ایمباسی میں لسٹ جمع کرائی جائے گی اور کاغذی کاروائیوں کو مکمل کیا جائے گا۔ 

ایک نظر اس پر بھی

اتر کنڑا میں انتخابی ضابطہ اخلاق کا نفاذ - چیک پوسٹوں پر تیز ہوئی جانچ پڑتال؛ بورڈس اور ہورڈنگس ہٹائے گئے

لوک سبھا انتخابات کے لئے ضابطہ اخلاق کے نفاذ کے ساتھ ہی اتر کنڑا کے مختلف مقامات پر چیک پوسٹس پر جانچ پڑتال کی کارروائیاں تیز ہوگئی ہیں ۔  اسی کے ساتھ ہی  سڑک کنارے لگائے گئے اشتہاری بینرس اور ہورڈنگس وغیرہ بھی ہٹائے گئے ہیں۔

ڈانڈیلی اغوا معاملہ : 2 کروڑ روپے تاوان طلب کرنے والے ملزمین گرفتار ؛ گرفتار شدگان میں بھٹکل کا شخص بھی شامل

ڈانڈیلی کے ایک شخص کا اغوا کرکے اس کی رہائی کے لئے 2  کروڑ روپے طلب کرنے والے ملزمین کو  ڈانڈیلی پولیس نے گرفتار کر لیا ہے  جن  کی شناخت ڈانڈیلی کے رہنے والے پرشو رام ایلپّا میدار، کالگونڈا تکا رام سر نائک، ہلیال کے رہنے والے ونائیک کمپنّا کرننگ اور  بھٹکل مدینہ کالونی کے رہنے ...

دکشن کنڑا میں انتخابی ضابطہ اخلاق کے تحت قائم ہوئے چیک پوسٹس - نقدی اور بیش قیمت اشیاء لے جانے کے لئے ضروری ہوگا دستاویزی ثبوت 

دکشن کنڑا میں انتخابی ضابطہ اخلاق کے نفاذ کے ساتھ محکمہ پولیس نے حفاظتی بندوبست تیز کر دیا ہے اور عوام سے کہا ہے کہ اگر وہ اپنے ساتھ  نقد رقم یا قیمتی اشیاء لے جاتے ہیں تو انہیں اس سے متعلقہ باضابطہ دستاویزی ثبوت اپنے پاس رکھنا ہوگا اور جانچ کے دوران افسران کے سامنے پیش کرنا ...

بھٹکل میں7/مئی اورپڑوسی اضلاع اُڈپی اور مینگلور میں 26/ اپریل کو ہوگی پولنگ؛ پورے ملک میں سخت انتخابی ضابطہ اخلاق نافذ

الیکشن کمشنر کے اعلان کے مطابق ریاست کرناٹک میں دو مرحلوں میں انتخابات ہوں گے، جس کے تحت بھٹکل سمیت اُترکنڑا،  چکوڈی، بیلگاوی، باگلکوٹ، وجئے پور (ایس سی)، کلبرگی (ایس سی)، رائچور (ایس ٹی)، بیدر، کوپّل، بلاری (ایس ٹی)، ہاویری ، دھارواڑ، داونگیرے اور شموگہ میں 7/مئی کو انتخابات ...

اُترکنڑا میں 7 مئی کو ہوگی ووٹنگ، ضابطہ اخلاق فوری طور پر نافذ: کاروار میں ڈپٹی کمشنر گنگو بائی مانکر کی پریس کانفرنس

الیکشن کمیشن کی ہدایت کے مطابق، اترا کنڑا لوک سبھا حلقہ میں 7 مئی کو پولنگ ہوگی، البتہ  ضلع میں فوری طور پر سخت ضابطہ اخلاق نافذ کردیا گیا ہے، اس بات کی اطلاع  ضلع کی  ڈپٹی کمشنر اور ڈسٹرکٹ الیکشن آفسر  گنگوبائی مانکر نے دی۔

بھٹکل: انجمن پی یو اینڈ ڈگری کالج میں کبڈی، والی بال، ٹینس وغیرہ کھیلوں کے لئے اسپورٹس کورٹ کا سنگ بنیاد

انجمن پی  یو اینڈ ڈگری کالج میں  ملٹی پرپس اسپورٹس کورٹ  کا سنیچر کوانجمن کے نو منتخب صدر جناب محمد یونس قاضیا کے ہاتھوں  سنگ بنیاد رکھا گیا، جس کے بعد خطاب کرتے ہوئے موصوف نے بتایا کہ کالج کے بچوں کے لئے  ملٹی پرپس اسپورٹس کورٹ کی ضرورت  محسوس کی جارہی تھی ، آج یہاں   اس کا ...

سعودی عربیہ میں چاند نظر آگیا؛ سعودی سمیت عرب امارات، بحرین اور دیگر گلف ممالک میں رمضان کا اعلان؛ عمان میں ایک دن بعد یعنی منگل کو ہوگا پہلا روزہ

سعودی عربیہ میں آج اتوار شام کو چاند نظر آنے کے بعد سعودی عربیہ سمیت  متحدہ عرب امارات، قطر، بحرین اور کویت  میں    رمضان کا اعلان کیا گیا ہے۔البتہ مسقط میں رویت ہلال ثابت نہیں ہوا، اس لئے وہاں رمضان کا اعلان نہیں ہوا ہے۔

دبئی سمیت عمان میں بھی گرج چمک کے ساتھ طوفانی بارش

  دبئی سمیت متحدہ عرب امارات کی مختلف شہروں  میں موسلا دھار بارش  ہونے سے کئی علاقوں میں سڑکوں پر پانی جمع ہوگیا ہے۔ عرب میڈیا کے مطابق  ہفتہ کی صبح  دبئی ،ابو ظبی، فجیرا اور دیگر علاقوں میں گرج چمک کے ساتھ موسلا دھار بارش ہوئی جبکہ دبئی کے مختلف علاقوں میں طوفانی بارش کے ...

سعودی عرب کے ریاض میں دنیا کا بلند ترین ٹاور تعمیر ہوگا

الریاض میں دنیا کا بلند ترین ٹاور تعمیر ہوگا جس کی اونچائی دو کلو میٹر ہو گی۔سبق ویب سائٹ کے مطابق ’architects journal‘ نے کہا ہے کہ برطانوی کمپنی ریاض میں تعمیر ہونے والے بلند ترین ٹاور کا ڈیزائن تیار کر رہی ہے۔توقع کی جارہی ہے کہ ریاض میں تعمیر ہونے والا ٹاور برج خلیفہ سے بلند ہوگا ...

دبئی میں پرواسی ناخدا شیرور کے زیر اہتمام ’ناخداملن‘ کا کامیاب انعقاد

دبئی کے راشیدیہ پارک میں3مارچ بروز اتوار کوپرواسی ناخدا شیرورکے زیراہتمام  ’ناخداملن‘ کا کامیاب  انعقاد کیا گیا جس میں بالخصوص شیرور کی ناخدا برادری کے150سے زائد  لوگوں نے  شرکت کرتے ہوئے پروگرام کو کامیاب بنایا۔ 

النوائط ابوظہبی کا 50 سالانہ جشن - تقریری و تحریری مقابلے کی تاریخ میں توسیع

النوائط ابوظہبی کے پچاس سالہ جشن کے موقع پر جو تقریری و تحریری مقابلے کا اعلان کیا گیا تھا اورغزہ کے حالات کے پس منظر میں 50 سالہ جشن موخر کیے جانے کی وجہ سے ابھی تک اس مقابلے کے نتائج کا اعلان نہیں کیا گیا تھا ، اس سلسلے میں النوائط ابوظہبی کے ذمہ داران نے اطلاع دی ہے کہ جلد ہی ...