منگلورو : ایئر پورٹ کسٹمز کی کارروائی - پانچ مسافروں کے قبضے سے 90 لاکھ روپے مالیت کا سونا ضبط
منگلورو ،4 / فروری (ایس او نیوز) منگلورو انٹر نیشنل ایئر پورٹ پر 19 جنوری سے 31 جنوری کے وقفہ میں کی گئی کسٹم افسران کی کارروائی کے بعد پانچ مسافروں کے قبضے سے 1.617 کلو گرام سونا ضبط کیا گیا جس کی مالیت کا اندازہ 90,34,970 روپے لگایا گیا ہے ۔
کسٹمز کا کہنا ہے کہ ان مسافروں نے یہ سونا ٹرالی بیگس کی بیڈنگ اور جسم کے اندر چھپانے کے علاوہ دیگر ذرائع سے اسمگل کرنے کی کوشش کی تھی ۔ اس کے علاوہ کسٹم افسران نے دبئی سے آنے والے کچھ مرد مسافروں سے ای سگریٹس بھی ضبط کیے جن کی مالیت کا اندازہ 6,42,740 روپے لگایا گیا ہے ۔