گوکرن  :13؍ جنوری (ایس اؤ نیوز) سیاحوں کو گانجہ سپلائی کرنےکے الزام میں گوکرن  تھانہ پولس نے دو کو گرفتارکرتے ہوئے 6ہزاروپئے مالیت کے 636گرام گانجہ ضبط کئےجانےکا گوکرن کے بیل ہتلو دیہات میں پیش آیا ہے۔

چونکہ گوکرن ایک مشہور سیاحت کامقام ہے یہاں دور دراز سے سیاح آتے رہتے ہیں، ان سیاحوں کو گانجہ فروخت کرنےکی کوشش میں دونوں ملزم گرفتارہوئے ہیں ان کی شناخت دیو منکال گوڈا(53) اور سریش امیش گوڈا (28) کی حیثیت سے کی گئی ہے۔ موصولہ اطلاعات کے مطابق دونوں بیل ہتلو  دیہات کی سڑک کنارے کھڑے ہوکر سیاحوں کو گانجہ سپلائی کرنے کی کوشش میں تھے تو مصدقہ خبر پر کارروائی کرتے ہوئے پولس نے ملزمان کو  گانجہ سمیت گرفتار کیا ہے۔

کمٹہ سی پی آئی پرمیشور گنگا، گوکرن تھانہ ایس آئی نوین کمار نائک کی قیادت میں ملزمان کی گرفتاری عمل میں آئی ہے۔ کارروائی میں  پولس عملہ وینا ہونی، نارائن گنگی، شیوپا نایک، اُدئیے تانڈیل، ناگراج پٹگار، شیوانند گوڈا، سچن نائک ، مہابلیشور نایک وغیرہ شریک تھے۔