گوکرن میں ساحلی محافظ دستہ کا چھاپہ : گانجہ سمیت پانچ گرفتار
گوکرن:یکم ڈسمبر(ایس اؤ نیوز)مصدقہ خبر پر کارروائی کرتےہوئے ساحلی محافظ دستہ کی پولس نے کوڈلے بیچ پرواقع سن اینڈ مون ریسٹورنٹ پر چھاپہ مارتے ہوئے ریسٹورنٹ کے مینجر اور عملہ سمیت پانچ لوگوں کو گرفتار کرلیا۔
ذرائع سے ملی اطلاع کے مطابق سی پی آئی ماروتی نایک اور پی ایس آئی دیانند جوگلیکر کی قیادت میں پولس نے چھاپہ مار کر گانجہ، بئیر اور ہکا وغیرہ کو ضبط کرنے کے بعد گانجہ فروخت کرنےکےالزام میں 5 لوگوں کو تحویل میں لے کر عدالت میں پیش کیاہے جس کے بعد عدالت نے انہیں جوڈیشل کسٹڈی میں بھیج دیا ہے۔
گرفتار شدہ سبھی ملزم نیپال کے بتائے جارہےہیں۔ جن کے نام اس طرح ہیں: لکشمن کھاتری بیر بہادر (33)، سمن بھرت تمن (23)، آئیس لاما ہیرالال(21)، بپن کیسی (33)،تیج چندر سبا(50). دول بہادر تمانگ نامی ایک ملزم فرار بتایا گیا ہے۔