کورونا نے عالمی سطح پر قائم کیا نیا ریکارڈ، ایک دن میں 2.60 لاکھ نئے کیسز درج

Source: S.O. News Service | Published on 20th July 2020, 9:01 PM | عالمی خبریں |

بیجنگ،20؍جولائی(ایس او نیوز؍ایجنسی) خوفناک اور مہلک عالمی وبا کورونا وائرس یعنی کووڈ-19 کی رفتار کم ہونے کا نام نہیں لے رہی ہے۔ دنیا بھر میں اس سے اب تک 1.46 لاکھ سے زائد افراد متاثر اور چھ لاکھ سے زائد لوگوں کی موت ہوچکی ہے۔ دنیا بھر میں کورونا وائرس سے متاثر ہونے والے افراد کا نیا ریکارڈ بن گیا۔ عالمی ادارہ صحت نے بتایا ہے کہ ایک ہی دن میں دنیا میں 2 لاکھ 60 ہزار سے زائد نئے مریض سامنے آئے ہیں جن میں سب سے زیادہ متاثرین امریکہ ہندوستان برازیل اور جنوبی افریقہ سے سامنے آئے۔

اس سے پہلے کا یومیہ ریکارڈ جمعہ کو قائم ہوا تھا جب2 لاکھ 37 ہزار 743 متاثرین سامنے آئے تھے۔ اسی طرح دنیا بھر میں ایک ہی روزمیں ہلاکتوں کی تعداد 7 ہزار 360 رہی جو کہ 10 مئی سے اب تک کی سب سے بڑی تعداد ہے۔ امریکہ میں حکام کے مطابق کورونا وائرس کی وجہ سے ہلاکتوں کی تعداد ڈیڑھ لاکھ کے قریب پہنچ چکی ہے۔ حکام نے بتایا کہ 50 میں سے 43 ریاستوں میں اس وبا میں شدت دیکھی جا رہی ہے۔ ایک اندازے کے مطابق امریکہ میں ایک ہفتہ کے دوران اوسطاً پانچ ہزار افراد اس وائرس کی وجہ سے موت کے منہ میں جا رہے ہیں۔

دنیا بھر میں کورونا وائرس سے متاثرہ افراد کی تعداد 1 کروڑ 46 لاکھ 45 ہزار 949 تک جا پہنچی ہے جبکہ اس موذی وائرس سے ہلاکتیں 6 لاکھ 8 ہزار 942 ہو گئیں۔ کورونا وائرس کے دنیا بھر میں 53 لاکھ 54 مریض اسپتالوں قرنطینہ مراکز میں زیر علاج اور گھروں میں آئسولیشن میں ہیں جن میں سے 60 ہزار 73 کی حالت تشویش ناک ہے جبکہ 87 لاکھ 36 ہزار 953 مریض صحت یاب ہو چکے ہیں۔

امریکہ تادم تحریر کورونا وائرس سے سب سے زیادہ متاثرہ ملک ہے جہاں ناصرف کورونا مریض بلکہ اس سے ہلاکتیں بھی اب تک دنیا کے تمام ممالک میں سب سے زیادہ ہیں۔ امریکہ میں کورونا وائرس سے اب تک 1 لاکھ 43 ہزار 289افراد موت کے منہ میں پہنچ چکے ہیں جبکہ اس سے بیمار ہونے والوں کی مجموعی تعداد 38 لاکھ 98ہزار 550 ہو چکی ہے۔ کورونا وائرس کے امریکہ میں 19 لاکھ 52 ہزار 923 مریض اسپتالوں قرنطینہ مراکز میں زیرِ علاج اور گھروں میں آئسولیشن میں ہیں جن میں سے 16 ہزار 552 کی حالت تشویش ناک ہے جبکہ 18 لاکھ 2 ہزار 338 کورونا مریض اب تک شفایاب ہو چکے ہیں۔

کورونا وائرس کے مریضوں کی تعداد کے حوالہ سے ممالک کی فہرست میں برازیل دوسرے نمبر پر ہے جہاں یہ وائرس 79ہزار 533 زندگیاں نگل چکا ہے جبکہ کورونا مریضوں کی تعداد 20 لاکھ 99ہزار 896 تک جا پہنچی ہے۔ ہندوستان میں گزشتہ 24 گھنٹوں کے دوران ایک ہی دن میں کوروناوائرس کے ریکارڈ 40 ہزار سے زیادہ کیسز رپورٹ ہوئے ہیں اور جس سے متاثرہ افراد کی تعداد 11.18 لاکھ ہوگئی ہے۔

مرکزی وزارت صحت کی جانب سے پیر کے روز جاری تازہ ترین اعداد و شمار کے مطابق ملک میں گزشتہ 24 گھنٹوں کے دوران کورونا وائرس کے 40425 کیسز کی تصدیق ہوئی ہے جس سے متاثرہ افراد کی مجموعی تعداد 1118043 ہوگئی جبکہ ہلاک ہونے والوں کی تعداد 681 سے بڑھ کر 27497 ہوگئی۔ اسی مدت کے دوران22664 مریض صحت مند ہوچکے ہیں اور اب تک 700087 افراد کورونا سےشفایاب ہوئے ہیں۔ فی الوقت ملک میں کورونا وائرس کے 390459 فعال کیسز ہیں۔

جنوبی افریقہ میں کورونا وائرس کی وباء سے مجموعی اموات 5 ہزار 33 ہو چکی ہیں جہاں اس وائرس کے اب تک کل کیسز 3 لاکھ 64 ہزار 328 رپورٹ ہوئے ہیں۔ پیرو میں کورونا کے باعث 13ہزار187 ہلاکتیں اب تک ہو چکی ہیں جبکہ یہاں کورونا کیسز 3 لاکھ 53ہزار 590رپورٹ ہوئے ہیں۔ میکسیکو میں کورونا وائرس سے کل اموات کی تعداد 39 ہزار 184 ہو گئی جبکہ کورونا کے کیسز 3 لاکھ 44ہزار 224ہو گئے۔ چلی میں کورونا وائرس سے جاں بحق ہونے والوں کی تعداد 8 ہزار 503ہو گئی جبکہ کورونا کے کل کیسز 3 لاکھ 30ہزار 930 ہوگئے۔

اسپین میں کورونا وائرس کی وبا سے اموات 28 ہزار 420 ہو گئیں جبکہ اب تک اس کے 3 لاکھ 7 ہزار 335 مصدقہ متاثرین سامنے آئے ہیں۔ برطانیہ میں کورونا سے اموات کی تعداد 45 ہزار 300 ہوگئی جبکہ کورونا کے کیسز کی تعداد 2 لاکھ 94 ہزار 792 ہو چکی ہے۔ ایران میں کورونا وائرس سے مرنے والوں کی کل تعداد 14 ہزار 188 ہو گئی جبکہ کورونا کے کل کیسز 2 لاکھ 73 ہزار 788 ہو گئے۔ سعودی عرب میں کورونا وائرس سے اب تک کل اموات 2 ہزار 486 رپورٹ ہوئی ہیں جبکہ مملکت میں اس کے مریضوں کی تعداد 2 لاکھ 50 ہزار 920 تک جا پہنچی ہے۔

چین جہاں دنیا میں کورونا کا پہلا کیس سامنے آیا تھا وہاں کورونا وائرس پر کافی حد تک قابو پایا جا چکا ہے اور روزانہ صرف چند نئے کورونا مریض سامنے آتے ہیں جبکہ اس سے اموات میں کافی عرصے سے کوئی اضافہ سامنے نہیں آیا ہے۔ چین میں کورونا مریضوں کی تعداد 83 ہزار 682 ہو چکی ہے اور اس سے ہونے والی اموات کی تعداد 4 ہزار 634 پر رکی ہوئی ہے۔ پڑوسی ملک پاکستان میں کورونا وائرس کے کیسز کی تعداد 2 لاکھ 65 ہزار 83 ہو چکی ہے جبکہ اس موذی وباء سے جاں بحق افراد کی مجموعی تعداد 5 ہزار 599 تک جا پہنچی ہے۔

یوروپی ملک اٹلی میں 244434 افراد اس جان لیوا وائرس سے متاثر ہوئے ہیں اور 35045 افراد لقمہ اجل بن چکے ہیں۔ ترکی میں کورونا وائرس متاثرین کی تعداد 219641 تک جا پہنچی ہے اور 5491 افراد ہلاک ہوچکے ہیں۔ فرانس میں کورونا سے متاثرہ افراد کی تعداد 211943 اور 30155 افراد لقمہ اجل بن چکے ہیں۔ جرمنی میں 202735 افراد وائرس کا شکار ہوئے ہیں اور 9092 افراد لقمہ اجل بن چکے ہیں۔

بنگلہ دیش میں 204525 افراد کورونا سے متاثر ہوئے ہیں جبکہ 2618 افراد اس وبا سے ہلاک ہوئے ہیں۔ کورونا وائرس سے بیلجیئم میں 9800 کینیڈا میں 8896 نیدرلینڈ میں 6155 سویڈن میں 5619 ایکواڈور میں 5313 مصر میں 4302انڈونیشیا میں 4143 عراق میں3781 سوئٹزرلینڈ میں 1969 رومانیہ میں 2026 بولیویا میں 2151 ارجنتائنا میں 2260 آئرلینڈ میں 1753 اورپرتگال میں 1689 افراد ہلاک ہوچکے ہیں۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...