پوری دنیا میں کورونا سےہلاک ہونے والوں کی تعداد 3 لاکھ 20 ہزار سے زیادہ

Source: S.O. News Service | Published on 19th May 2020, 1:05 PM | عالمی خبریں |

نیوریارک،19؍مئی (ایس او نیوز؍ایجنسی) پوری دنیا میں کورونا کا قہر رکنے کا نام نہیں لے رہا ہے ۔ تازہ اعداد و شمار کے مطابق پوری دنیا میں کورونا سے متاثر ہونے والوں کی تعداد 49 لاکھ کے قریب پہنچ گئی ہے جبکہ اس وبا سے ہلاک ہونے والوں کی تعداد 3 لاکھ 20 ہزار سے تجاوز کر گئی ہے۔

دنیا کی سب سے بڑی طاقت امریکہ کو بھی سمجھ نہیں آ رہا کہ وہ کس طرح اس وبا کے پھیلاؤ کو روکے۔ امریکہ میں کورونا سے ہلاک ہونے والوں کی تعداد 91 ہزار سے زیادہ ہو گئی ہے اور وہاں متاثرین کی تعداد ساڑے 15 لاکھ سے تجاوز کر گئی ہے۔

روس میں بھی کورونا متاثرین کی تعداد میں لگاتار اضافہ جاری ہے اور وہاں کورونا متاثرین کی تعداد 2 لاکھ 90 ہزار سے زیادہ ہو گئی ہے اور اس وبا سے ہلاک ہونے والوں کی تعداد 2722 ہو گئی ہے۔

برطانیہ میں اب تک 34 ہزار سے زیادہ افراد اس وائرس سے ہلاک ہو چکے ہیں جبکہ وہاں متاثرین کی تعداد 2 لاکھ 46 ہزار سے زیادہ ہے۔ اٹلی میں اب تک 32 ہزار سے زیادہ افراد ہلاک ہو چکے ہیں جبکہ وہاں متاثرین کی تعداد 2 لاکھ 25 ہزار سے زیادہ ہے۔ اسپین میں کورونا سے ہلاک ہونے والوں کی تعداد 27 ہزار سے زیادہ ہے ا ور فرانس میں کورونا سے ہونے والی اموات کی تعداد 28 ہزار سے زیادہ ہے۔

سعودی عرب میں کورونا متاثرین کی تعداد 57 ہزار سے تجاوز کر گئی ہے اور وہاں اس سے ہلاک ہونے والوں کی تعداد 320 ہو گئی ہے۔ پڑوسی ملک پاکستان میں کورونا متاثرین کی تعداد 46 ہزار سے زیادہ ہو گئی اور ہلک ہونے والوں کی تعداد 903 ہو گئی ہے۔ ہندوستان میں کورونا متاثرین کی تعداد ایک لاکھ سے تجاوز کر گئی ہے۔

ایک نظر اس پر بھی

امریکہ: ٹرمپ کی فوج تعیناتی کی دھمکی پر فسادات میں شدت، ایئرفورس بیس میں فائرنگ سے 2 اہلکار ہلاک

امریکی صدر ڈونلڈ ٹرمپ کی ملک میں فوج تعینات کرنے کی دھمکی پر امریکہ بھر میں فسادات میں مزید شدت آگئی۔ پوسٹمارٹم رپورٹ میں سیاہ فام جارج فلائیڈ کی موت کو قتل قراردیدیا گیا جبکہ ریاست ڈکوٹا میں ایئر فورس بیس میں فائرنگ کے نتیجہ میں 2 اہلکار ہلاک ہوگئے ۔

پوری دنیا میں کورونا کا قہر جاری، متاثرین کی تعداد 63 لاکھ سے تجاوز

پوری دنیا میں عالمی وبا کورونا وائرس کا قہر جاری ہے اور ہر روز متاثرین اور اس سے ہونے والی ہلاکتوں کی تعداد میں مستقل اضافہ ہو رہا ہے۔تازہ اعداد و شمار کے مطابق کورونا متاثرین کی تعداد 63لاکھ سے زیادہ ہوگئی ہے جبکہ اس وبا سے اب تک 3.73لاکھ سے زیادہ لوگوں کی موت ہوچکی ہے۔