منگلورو میں گرلس اسلامک آرگنائزیشن آف انڈیا کرناٹکا کی ریاستی کانفرنس کا کامیاب انعقاد : اسلام آدم علیہ السلام کی طرح قدیم اور نوزائیدہ بچہ کی طرح جدید ہے: رحمت النساء

Source: S.O. News Service | By Abu Aisha | Published on 10th September 2019, 6:33 PM | ساحلی خبریں |

منگلورو:10؍ستمبر(ایس اؤ نیوز) ’تبدیلی خیالات کے لئے ازسرِ نو غور‘ کے مرکزی عنوان کو لے کر گرلس اسلامک آرگنائزیشن آف انڈیا کرناٹکا (جی آئی اؤ) کی ریاستی کانفرنس کا جماعت اسلامی ہند کے نائب امیر جماعت ایس امین الحسن نے  منگلورو   کے پور بھون میں 9ستمبر 2019بروز اتوار کو افتتاح کیا۔

افتتاحی خطاب میں انہوں نے کانفرنس کے مرکزی عنوان تبدیلی خیالات کے لئے ازسرِنو غور پرروشنی ڈالتے ہوئے کہاکہ یہ وقت کا تقاضا ہے۔ کیونکہ  ملک میں عدم مساوات کا دور دورہ ہے، ہر طرف حقوق انسانی کی پامالی ، افراد پر گروہی حملے ، عصمت دری کے واقعات میں اضافہ ہورہاہے۔ انسانی احترام زوال پذیر ہے، ایسے دور میں خیالات پر دوبارہ غور کرنے کی ضرورت ہونے کا خیال ظاہر کیا۔ انہوں نے جی آئی اؤ ممبران کی ستائش کرتے ہوئے کہاکہ اس سنگین دور میں بھی جی آئی اؤ کی ممبران اسلام کے لئے سرگرم عمل ہیں جس کے لئے وہ مبارکباد ی کے مستحق ہیں۔

اپنی بات جاری رکھتے ہوئے کہاکہ ملک میں ’بیٹی پڑھاؤ ،بیٹی بچاؤ‘ صرف ایک نعرے کی حدتک ہے، ملک میں دن بدن لڑکیاں سمیت عورتوں پر ظلم ،ہراسانی ، عصمت دری کے واقعات میں اضافہ ہونے کا خدشہ ظاہر کیا۔ مرکزی حکومت کے منصوبہ جات صرف نعرے نہ رہیں بلکہ انہیں نافذ کرنے کا مطالبہ کیا۔

’جی آئی اؤ کا دس سالہ سفر ‘ کے عنوان پر منعقدہ مذاکرے میں جی آئی اؤ کی سابق سکریڑیان رخسانہ عمر، صبیحہ سلطانہ، قمرا لنساء اور نویدہ اسدی نے اپنے خیالات کااظہار کیا۔ نبیلا الماس ملا نے مذاکرے کی صدارت کی۔ جماعت اسلامی ہند کرناٹکا کے شعبہ خواتین کی معاون سکریٹری تشکیلہ خانم نے تبصرہ کیا۔ کانفرنس میں جماعت اسلامی ہند کرناٹکا شعبہ خواتین کی سکریٹری امت الرزاق ، شوریٰ ممبر ساجد النساء، جی آئی اؤ کیرلا کی صدر عافیدہ احمد، مہاراشٹرا کی صدر بشریٰ انس اور کنڑا ماہنامہ ’انوپما ‘ کی معاون مدیرہ صبیحہ فاطمہ نے مہمان کی حیثیت سے خطاب کیا۔

عوامی اجلاس سے خطاب کرتے ہوئے جماعت اسلامی ہند کی معاون سکریٹری رحمت النساء نے ’’جی آئی اؤ کرناٹکا نے ’الاحیاء‘: تبدیلی خیالات کے لئے ازسرنوغور ‘‘کے مرکزی عنوان پر ریاستی مہم منانے کے بعد ریاستی کانفرنس کے انعقاد پر اس کا اختتام ہو رہاہے۔ مہم اور کانفرنس کے انعقاد کے لئے ظاہری و باطنی طورپر کوشش کئے جی آئی اؤ کی ممبران اورجماعتی رفقاء کا انہوں نے شکریہ اداکرتےہوئے کہاکہ ہماری آئندہ کی سرگرمیوں اور جدوجہد کے لئے یہ ایک  حوصلہ کا کام ہوگا۔ ہم سب دین اسلام پر عمل پیراہیں۔ اسلام آدم علیہ السلام کی طرح قدیم اور ابھی جنم لینے والے بچہ کی طرح جدید ہے۔ خواب دیکھو، تعبیر اور حقیقت کا رنگ بھرنے کا حوصلہ رکھو اور اپنی پوری زندگی اللہ کے لئے وقف کرنے کی اپیل کی۔ جماعت اسلامی ہند کرناٹکا کے امیر حلقہ ڈاکٹر محمد سعد بیلگامی نے خطاب کرتے ہوئے کہاکہ ہم اسلام کے داعی ہیں، اللہ کے راستے پر چل رہے ہیں، اسلام میں خاندانی نظام بہت ہی مضبوط ہے، عوام میں اسلامی شعوربیدار کرنا وقت کا تقاضا ہونےکی بات کہی۔ صدارت کرتے ہوئے جی آئی اؤ کرناٹکا کی صدر عمیرہ بانو نے ممبران اور عوام کو آوازدی کہ ’’ ہمیں صرف اپنے ہی نہیں بلکہ دنیا کے تمام مسائل کو حل کرنےکی کوشش کرنی چاہئے۔ معاشرے میں تبدیلی لانا، پُرامن ماحول پیدا کرنا ہماری اہم ذمہ داری ہونے کی بات کہی۔

عائشہ آفرین کی تلاوت قرآن سے کانفرنس کا آغازہوا۔ جی آئی اؤ کی جنرل سکریٹری محی نشاط نے افتتاحی کلمات پیش کرتے ہوئے تمام کااستقبال کیا۔ اس کے بعد بنگلورو جی آئی اؤ کی ممبران نے نکڑ ناٹک پیش کیا۔ جی آئی اؤ کرناٹکا کی صدر عمیرہ بانونے پرچم کشائی کرتےہوئے افتتاحی تقریب کی صدارت کی۔عرشیہ نوشاب اور عفرو نداف نے نظامت کے فرائض انجام دئیے۔ کانفرنس میں جی آئی اؤ کی سرگرمیوں پر مبنی وڈیو نشر کی گئی ۔ ڈائس پر جماعت اسلامی ہند کے ذمہ داران موجود تھے۔ جماعت اسلامی ہند دکشن کنڑا علاقہ کے ناظم عبدالسلام کی دعا پر کانفرنس کا اختتام ہوا۔ کانفرنس میں ریاست بھر سے جی آئی اؤ کی ممبران ،اسوسی ایٹس سمیت سیکڑوں لڑکیاں اور خواتین شریک تھیں۔

ایک نظر اس پر بھی

مرڈیشور میں سڑک توسیع کی مانگ لے کر عوام نےتعمیراتی کام روک کر احتجاج کیا

مرڈیشور میں پشکرنی کے اطراف سڑک توسیع کے لئے سہولت ہونے کے باوجود افسران ان دیکھی کرتے ہوئے پرانی سڑک پر ہی اکتفا کرکےتعمیری کام کئے جانے پر دیہی عوام نے تعمیراتی کام روک کر اپنی مخالفت کا اظہار کیا ہے۔

کاروار میں ماہی گیر خواتین کا احتجاج : میونسپالٹی افسران پر دوغلی پالیسی اپنانے کا الزام

شہر میں زیر تعمیر نئی مچھلی مارکیٹ کو لے کر میونسپالٹی کے افسران عدالت کو ایک اور ماہی گیروں کو ایک جانکاری دیتے ہوئے دھوکہ دے رہے ہیں، اس معاملے میں افسران دوغلاپن اختیار کرنے کا الزام لگاتے ہوئے سابق رکن اسمبلی ، کانگریس لیڈر ستیش سئیل کی قیادت میں ماہی گیر خواتین نے ڈپٹی ...

یلاپور ضمنی انتخاب: کیا کانگریس کا’ہاتھ‘ چھوڑنے والے بی جے پی امیدوار شیورام ہیبار کو ان کے اپنے ہی شکست دیں گے؟!

سابقہ اسمبلی انتخاب کے دوران ضلع اُترکنڑا کے یلاپورحلقے سے کانگریس کے ٹکٹ پر بہت ہی کم ووٹوں کے ساتھ جیت درج کرنے والے شیورام ہیبار نے اُس وقت اپنے طبقے کے لوگوں کو دوش دیتے ہوئے کہا تھا کہ میرے اپنے لوگوں نے مجھے جیت دلانے کے لئے خوش دلی سے ووٹ نہیں ڈالے تھے۔

کیاقرضوں کی معافی اور سیلاب زدگان کی باز آبادکاری میں ریاستی حکومت دیوالیہ ہوگئی ہے؟۔ طلبہ کی اسکالرشپ کے لئے فنڈ نہیں ہے!

آج کل عوام کے ذہنوں میں یہ سوال گونج رہا ہے کہ کسانوں کے قرضوں کی معافی اور سیلاب زدگان کی راحت کاری کے کام میں کیا ریاستی حکومت دیوالیہ ہوچکی ہے۔ جس کی وجہ سے معاشی طور پر کمزور طبقات کے طلبہ کو دی جانے والی اسکالرشپ جاری کرنے کے لئے فنڈ کی کمی ہونے کی بات کہی جارہی ہے۔

منڈگوڈ:بی جے پی کے سابق رکن اسمبلی وی ایس پاٹل کے بیٹے باپو پاٹل نے کیا کانگریس میں شمولیت کااعلان

منڈگوڈ میں بی جے پی کے کٹر حامی خاندان کے طور پر پہچانے جانے والے سابق رکن اسمبلی اور موجود کے ایس آر ٹی سی چیرمین وی ایس پاٹل کے بیٹے اور بی جے پی کے یووا لیڈر باپوپاٹل نے بی جے پی سے رشتہ توڑ کر کانگریس میں شامل ہونے کا اعلان کیا ہے۔

منکی اور مرڈیشور کے ساحل اور محمد حیات کرناٹکا یونیورسٹی دھارواڑ کے کرکٹ یونیورسٹی بلیو منتخب

کھیل کے میدان میں بھٹکل اور اطراف کے کھلاڑیوں کا یونیورسٹی بلیو منتخب ہونا عام ہوتاجارہا ہے، تازہ خبر یہ ہے کہ  پڑوسی علاقہ منکی اور مرڈیشور سے تعلق رکھنےو الے دونوجوان کرکٹ میں کرناٹکا یونیورسٹی دھارواڑ کی کرکٹ ٹیم کے لئے  منتخب ہوگئے ہیں