نوئیڈا: لڑکی مشتبہ حالات میں 5 ویں منزل سے گری، سنگین حالت میں اسپتال میں داخل
نئی دہلی،22/جولائی (ایس او نیوز/ آئی این ایس انڈیا) اتر پردیش کے نوئیڈا میں رہنے والی ایک لڑکی پیر کی صبح کو اپنے گھر کے پانچویں منزل سے مشتبہ حالت میں گر گئی۔سنگین حالت میں اس کو ضلع اسپتال میں داخل کرایا گیا ہے۔تھانہ سیکٹر 58 کے انسپکٹر پنکج رائے نے بتایا کہ سیکٹر 58 واقع سنت ہاؤس میں رہنے والی کماری نیہا پیر کی صبح اپنے گھر کی پانچویں منزل سے نیچے گر گئی۔سنگین حالت میں اس کو نوئیڈا کے ضلع اسپتال میں داخل کرایا گیا ہے۔تھانہ انچارج نے بتایا کہ واقعہ کی اطلاع پا کر موقع پر پہنچی پولیس معاملے کی تحقیقات کر رہی ہے۔انہوں نے بتایا کہ پولیس یہ پتہ لگانے کی کوشش کر رہی ہے کہ لڑکی نے پانچویں منزل سے کود کرخود کشی کرنے کی کوشش کی ہے یا کسی نے اسے دھکیل دیا ہے۔پولیس تمام پہلوؤں کو ذہن میں رکھ معاملے کی تحقیقات کر رہی ہے۔وہیں برولا گاؤں میں رہنے والا پربھات نامی شخص بھی پیر کی صبح اپنے گھر کی چھت سے نیچے گر گیا۔سنگین حالت میں اس کو نوئیڈا کے ضلع اسپتال میں داخل کرایا گیا ہے۔
