غزہ سے دو راکٹ حملوں میں متعدد اسرائیلی زخمی

Source: S.O. News Service | Published on 16th September 2020, 8:49 PM | عالمی خبریں |

مقبوضہ بیت المقدس،16/ستمبر (آئی این ایس انڈیا)فلسطین کے علاقے غزہ کی پٹی سے فلسطینی عسکریت پسندوں‌ نے منگل کی شام اسرائیل پر متعدد راکٹ داغے جس کے نتیجے میں دو افراد کے زخمی ہونے کی اطلاع ملی ہے۔ یہ راکٹ ایک ایسے وقت میں داغے گئے جب متحدہ عرب امارات اور بحرین امریکا میں اسرائیل کے ساتھ امن معاہدے پر دستخط کر رہے تھے۔

اسرائیلی فوج کی طرف سے جاری کردہ ایک بیان میں کہا گیا ہے کہ حماس کے زیرکنٹرول محاصرہ زدہ غزہ سے اسرائیل پر دو راکٹ داغے گئے۔ ایک کو فضا ہی میں تباہ کر دیا گیا جب کہ دوسرا میزائل آبادی میں گرا جس کے نتیجے میں دو یہودی آباد کار زخمی ہوگئے۔

بیان میں کہا گیا ہے کہ ایک راکٹ غزہ اور تل ابیب کے درمیان واقع اشدود ہر میں گرا۔ اس حملے میں کم سے کم دو افراد معمولی زخمی ہوئے ہیں۔

عینی شاہدین نے بتایا کہ غزہ سے داغا ایک راکٹ اشدود کے شمالی حصے میں گرا۔ تا حال کسی گروپ نے اس حملے کی ذمہ داری قبول نہیں کی۔

خیال رہے کہ چند ہفتے تک اسرائیل اور غزہ میں فلسطینیوں کے درمیان جاری رہنے والی کشیدگی کے دوران غزہ سے اسرائیلی علاقوں پر گیسی آتش گیر غبارے چھوڑے جاتے رہے جس کے نتیجے میں سرحد پر سخت کشیدگی پیدا ہو گئی تھی۔

تاہم ستمبر کے وسط میں قطر کی کوششوں سے غزہ میں فلسطینی مزاحمت کاروں اور اسرائیل کے درمیان عارضی جنگ بندی پر اتفاق کیا گیا تھا۔

ایک نظر اس پر بھی

توہین رسالت معاملہ میں عرب دنیا متحد؛ مصنوعات بائیکاٹ مہم سے گھٹنے ٹیکنے پر مجبور ہوا فرانس 

آزادی اظہار کے نام پر گستاخانہ کارٹون بنانے پر مصر رہنے والا فرانس پہلی بار عرب دنیا کی جانب سے چلائی گئی ’’فرانس کے مصنوعات کی بائیکاٹ مہم‘‘ کے سامنے گھٹنا ٹیک کر گڑ گڑاتے ہوئے نظر آرہا ہے۔