غزہ میں ایک مکان میں زور دار دھماکا، 20 سے زیادہ افراد زخمی

Source: S.O. News Service | Published on 24th January 2021, 9:00 PM | عالمی خبریں |

غزہ،24جنوری (آئی این ایس انڈیا)  فلسطینی جماعت حماس کے زیر انتظام غزہ کی پٹی کے ایک اقامتی علاقے میں ہفتے کے روز زور دار دھماکا ہوا ہے جس کے نتیجے میں بیس سے زیادہ افراد زخمی ہوگئے ہیں۔

حماس کی وزارتِ داخلہ نے ایک بیان میں کہا ہے کہ غزہ کی پٹی میں واقع قصبے بیت حانوں میں ایک فلسطینی مزاحمتی تنظیم کے رکن کے مکان میں حادثاتی طور پر دھماکا ہوا ہے۔اس واقعے کی تحقیقات شروع کردی گئی ہے۔

طبی ذرائع کا کہنا ہے کہ زخمیوں میں دو کی حالت تشویش ناک ہے۔عینی شاہدین نے بتایا ہے کہ دھماکے سے متعدد مکانوں کو نقصان پہنچا ہے اور پولیس نے علاقے کا محاصرہ کر لیا ہے۔

اسرائیلی فوج نے ایک بیان میں دعویٰ کیا ہے کہ ایک مکان میں بارود ذخیرہ کیا جا رہا تھا اور اس کے پھٹنے کے نتیجے میں زور دار دھماکا ہوا ہے۔

اسرائیلی فوج کے عربی زبان کے ترجمان اویشے ادراعی نے ٹویٹر پر کہا ہے کہ ’’مکانوں کو اسلحہ ،میزائلوں اور ہتھیاروں کے گوداموں میں تبدیل کیا جارہا ہے مگر اس کا خمیازہ بے گناہ شہریوں کو بھگتنا پڑتا ہے۔‘‘

ایک نظر اس پر بھی

طالبان نےالقاعدہ سے ناتانہیں توڑا،امریکا حملوں کے جواب کا حق محفوظ رکھتا ہے:جنرل میکنزی

امریکا کی مرکزی کمان کے سربراہ جنرل کینتھ میکنزی نے خبردار کیا ہے کہ امریکا اپنے انتخاب کے مطابق کسی بھی وقت اور کسی بھی جگہ پر حملوں کا جواب دینے کا حق محفوظ رکھتا ہے۔ان کا کہنا ہے کہ امریکا کی پہنچ بہت دور دور تک ہے۔

ایران : شوہر کی قاتل خاتون کی ’لاش‘ کو پھانسی دینے کا عجیب و غریب واقعہ

 سزائے موت سے قبل دل کا دورہ پڑنے سے انتقال کر جانے والی خاتون زہرہ اسماعیلی کو ایران میں پھانسی دے دی گئی ہے۔ غیر ملکی میڈیا رپورٹوں کے مطابق 42 سالہ زہرہ اسماعیلی کو اپنے شوہر کے قتل کے جرم میں سزائے موت دی گئی تھی، زہرہ اسماعیلی کو شرعی قانون قصاص کے تحت سزائے موت دی گئی ہے۔