تمام تجارتی مراکز میں ملاز مین کاویکسین لینا ضروری۔ نہ لینے والے افراد پر جرمانہ لگا یا جا ئے: گورو گپتا
بنگلورو،5؍ستمبر(ایس او نیوز)بروہت بنگلور مہا نگر پالیکے(بی بی ایم پی) گورو گپتا نے کہا کہ ممکنہ تیسری لہر کی روک تھام کے لئے زیادہ بھیڑ جمع ہو نے والے مقا مات جیسے کمر شیل کامپلکس،شاپنگ مال،مارکیٹ اور تجارتی مراکز کے ملاز مین کو لاز می طور پر ویکسین لینا ہوگا۔
اخباری نمائندوں سے بات کر تے ہو ئے انہوں نے اس بات کی جانکاری دی۔انہوں نے بتایا کہ شہر کے کمرشیل کامپلکس،صنعتی علاقوں،ہوٹلس سمیت دیگر اداروں کے مالکان کے ساتھ ورچوئل اجلاس منعقدکر کے انہوں نے یہ ہدایت دی ہے۔ انہوں نے بتا یا کہ شہر میں 74فیصد افراد نے پہلا اور26 فیصد افراد نے دوسرا ڈوز لیا ہے۔ تمام افراد کو دوسرا ڈوز لے کر کووِڈ کو قابو میں کرنے بی بی ایم پی کا تعاون کرنا چاہئے۔ شہر کے198وارڈز میں ہر دن ضرورت کے تحت ویکسین فراہم کئے جا رہے ہیں۔ان کے مطابق شہر میں ہر دن80سے90ہزار افراد کو ویکسین دیا جا رہا ہے۔
گورو گپتا نے بتا یا کہ شہر میں ویکسین کی کو ئی قلت نہیں ہے۔جن افراد نے دوسرا ڈوز نہیں لیا ہے انہیں چاہئے کہ وہ قریبی پرائمری ہیلتھ سنٹر،ویکسی نیشن سنٹریا بی بی ایم پی اسپتالوں میں پہنچ کر ویکسین لیں۔ انہوں نے بتا یا کہ بی بی ایم پی صدر دفتر میں بھی ویکسین کیمپ شروع کیا گیا ہے، جہاں مفت ویکسین دیا جا رہا ہے۔انہوں نے کہا کہ کمر شیل کامپلکس،صنعتی علاقوں،ہوٹلوں،بار اینڈ ریسٹورنٹ، کمپنیوں اور اداروں کے دفاتر میں کام کرنے والے ملاز مین کو لاز می طور پر دوسرا ڈوز لینا ضروری ہے۔ اس معا ملہ میں غفلت برتنے پر متعلقہ مالکان کے خلاف کارروائی ہوگی۔
انہوں نے بتا یا کہ ویکسین نہ لینے والے افراد کے خلاف کارروائی کر تے ہوئے بی بی ایم پی مارشلزکمرشیل کامپلکس،صنعتی علاقوں،ہو ٹلوں،بار اینڈ ریسٹورنٹ،نجی کمپنیوں سمیت دیگر اداروں کے دفاتر کا دورہ کر کے ویکسین لیے جانے کے تعلق سے جانچ کریں گے۔انہوں نے بتا یا کہ ملازمین کودوسرا ڈوز لیے جانے کے تعلق سے رپورٹ دکھانی ہوگی ورنہ ملاز مین پر جرمانہ لگا یا جائے گا۔گورو گپتا نے بتا یا کہ ترقیاتی ممالک میں ابھی بھی کووِڈموجودہے۔اسرائیل، امریکہ،انگلینڈ سمیت دیگر ممالک میں نئے طرز کا کووِڈ دکھائی دیا ہے۔
انہوں نے بتا یا کہ اگر ہم کووِڈ ضوابط پر سختی سے عمل کریں تو اس پر قابو پا یا جا سکتا ہے۔ انہوں نے بتا یا کہ مارکیٹ علاقوں میں عوامی مقامات پر عوام کی بھیڑ دکھائی دینے لگی ہے۔عوام کو چاہئے کہ وہ سماجی دوری اختیار کر تے ہو ئے سینی ٹائیزر کا استعمال کریں اور ماسک کا لاز می طور پر استعمال کیا جائے۔گورو گپتا نے بتا یا کہ اگر کووِڈ ضوابط پر عمل نہیں کیا گیا تو حالات کافی ابتر ہو سکتے ہیں۔انہوں نے عوام سے گزارش کی کہ وہ ویکسین لینے میں دلچسپی دکھا ئیں۔
انہوں نے کہا کہ بی بی ایم پی نے شہر میں 8تا10کووڈ کیئر سنٹرز قائم کر رکھے ہیں،جہاں کووڈ مریضوں کاعلاج کیا جا رہا ہے۔ ان کیئر سنٹرز میں فراہم کی جانے والی غذا معیاری نہ ہو نے کی انہیں شکایتیں موصول ہو رہی ہیں۔اس سلسلہ میں جانچ کر کے اس میں ملوث افراد کے خلاف سخت کارروائی کی جائے گی۔