بھٹکل ہیبلے پنچایت علاقہ میں کچرا نکاسی کا مسئلہ ۔ حنیف ویلفیئر ایسو سی ایشن نے اے سی کو دیا میمورنڈم

Source: S.O. News Service | Published on 23rd September 2021, 2:25 PM | ساحلی خبریں |

بھٹکل، 23؍ ستمبر (ایس او نیوز)  ہیبلے گرام پنچایت کے حنیف آباد، رحمت آباد، ماسٹر کالونی، طلحہ کالونی، سرگنڈی مندر روڈ اور مینا روڈ وغیرہ پر سڑک کنارے کچروں کا ڈھیر جمع  ہونے اور پنچایت کی طرف سے اس کی نکاسی کا انتظام نہ کرنے کے خلاف حنیف ویلفیئر ایسوسی ایشن کی جانب سے اسسٹنٹ کمشنر بھٹکل کو میمورنڈم دیا گیا ۔
    
میمورنڈم میں یاد دلایا گیا ہے کہ ابھی 20 دن قبل بھی اس ضمن میں میمورنڈم دیا گیا تھا مگر اس پر کوئی کارروائی نہیں ہوئی ۔ اسی طرح ماضی میں بھی کئی مرتبہ اس مسئلہ کو حل کرنے کے لئے میمورنڈم دئے گئے ہیں ، لیکن کچرا نکاسی کا کوئی مستقل انتظام نہیں کیا  گیا ہے ۔ سڑک کنارے کچرا جمع ہونے سے علاقہ میں کتوں اور جنگلی سووروں  کی بھرمار ہوگئی ہے جس سے راہگیروں کو بڑی دشوایاں ہوتی ہیں اس کے علاوہ عوام کی صحت کے لئے خطرہ پیدا ہوگیا ہے۔
    
میمورنڈم میں کہا گیا ہے کہ ویمنس سینٹر کی طرف سے حنیف آباد علاقہ سے کچرا ہٹانے کے لئے عطیہ دئے گئے رکشہ کا استعمال اس علاقہ میں نہیں ہورہا ہے اس کے بجائے وہ رکشہ دوسرے علاقوں سے کچرا ہٹانے کے کام میں مصروف دیکھا گیا ہے ۔ کچرا نکاسی مرکز کے لئے زمین منظور ہوئے ایک سال کا عرصہ ہوگیا ۔ لیکن پنچایت کی طرف سے اس سمت میں کوئی کام نہیں کیا گیا ہے ۔
    
میمورنڈم میں یہ بھی کہا گیا ہے کہ ہیبلے گرام پنچایت کو سب سے زیادہ آمدنی حنیف آباد وارڈ سے ہوتی ہے لیکن  پنچایت کی طرف سے  پانی کی فراہمی،لائبریری اور کچرا نکاسی جیسی کوئی سہولت اس علاقہ میں دستیاب نہیں ہے ۔ اس میمورنڈم کو حنیف ویلفیئر ایسوسی ایشن اور اس علاقے کی پانچ مسجدوں کے علاوہ موگیر کیری کے عوام کی طرف سے دئے جانے کی بات کہتے ہوئے مطالبہ کیا گیا ہے کہ فوری طور کچرا نکاسی کا مسئلہ حل کیا جائے ۔

 

ایک نظر اس پر بھی

بھٹکل کے معروف کھلاڑی حمّاد صدیقہ انتقال کرگئے؛ بھٹکل سمیت جدہ میں بھی تعزیتی اجلاس

بھٹکل کے معروف کبڈی اور کرکٹ  کھلاڑی  اور  ہردلعزیز نوجوان حمّاد صدیقہ ابن منصور صدیقہ (32)  بدھ دیر رات کومینگلور اسپتال میں انتقال کرگئے۔ انا للہ و انا الیہ راجعون۔  جمعرات بعد نماز  ظہر خلیفہ جامع مسجدمیں ان کی نماز جنازہ ادا کی گئی،  اور غوثیہ محلہ پرانے قبرستان میں تدفین ...

 منگلورو: بس شیلٹر نام کرن معاملہ میں قتل کی دھمکی کا الزام ۔ راوڈی شیٹر سمیت 5 گرفتار 

سورتکل کے  کاٹیاپالیا تھرڈ بلاک میں نوتعمیر شدہ بس شیلٹر کو چار سال پہلے  قتل ہوئے دیپک راو کے نام سے منسوب کرنے پر جان سے مارنے کی دھمکی دینے والے پانچ ملزموں کو پولیس نے گرفتار کر لیا جس میں راوڈی شیٹر نواز بھی شامل ہے ۔

پیر 25 اکتوبر کوہونے والی بھٹکل میونسپالٹی کی 21 دکانوں کی نیلامی ملتوی؛ اسسٹنٹ کمشنر سے ملاقات کے بعد نیلامی کی اگلی تاریخ کا ہوگا فیصلہ

بھٹکل میونسپالٹی کی 21 دکانوں کی نیلامی جو 25 اکتوبر بروز پیر کو ہونے والی تھی، اب اسسٹنٹ کمشنر ممتادیوی  کی ہدایت پر ملتوی کردی گئی ہے، لیکن دکانوں کی نیلامی کی اگلی تاریخ طئے نہ کئے جانے کو لے کر  پیداشدہ تنازعہ  کو حل کرنے  جمعہ کو میونسپالٹی صدر پرویز قاسمجی نے کونسلروں کی  ...

پتور : نابالغ دلت لڑکی عصمت دری - بی جے پی لیڈر کی گرفتاری کا مطالبہ - دلت تنظمیوں نے کیا احتجاجی مظاہرہ

دلت طبقہ سے تعلق رکھنے والی نابالغ لڑکی کی عصمت دری میں ملوث بی جے پی لیڈر کی گرفتاری کا مطالبہ کرتے ہوئے دلت تنظیموں کی کوآرڈینیشن کمیٹی نے پتور مضافاتی پولیس اسٹیشن کے روبرو ایک زبردست احتجاجی مظاہرہ منعقد کیا ۔

کنداپور : خودکشی معاملہ قتل میں ہوا تبدیل - بیوی اور بچوں سمیت پانچ ملزمین گرفتار

پتور تعلقہ کے امپارو گاوں میں 19 اکتوبر کو خودکشی کا جو معاملہ سامنے آیا تھا اور وہ قتل کی واردات میں تبدیل ہوگیا ہے جس کے بعد پولیس نے مقتول کی بیوی، اس کے آشنا اور دو نابالغ بچوں کو گرفتار کر لیا ۔