ممبئی،23/اکتوبر(آئی این ایس انڈیا) نومنتخب بی سی سی آئی صدر سوربھ گانگولی نے بدھ کو بدعنوانی سے پاک دورکا وعدہ کیا اور کہا کہ وہ اسی طرح دنیا کے سب سے امیر کرکٹ ادارے کی قیادت کریں گے جس طرح سے انہوں نے بھارتی ٹیم کی کپتانی کی تھی۔گنگولی نے یہاں عام اجتماع اجلاس میں سرکاری طور پر بی سی سی آئی صدر کے طور پر عہدہ سنبھالتے ہوئے کہا کہ قابل اعتماد اور بدعنوانی سے پاک مدت سے کوئی سمجھوتہ نہیں۔میں نے جس طرح سے ہندوستان کی قیادت کی تھی، اسی طرح بی سی سی آئی کا عہدہ سنبھالوں گا۔ وہ یہاں 39 ویں بی سی سی آئی صدر بنے۔انہیں یہاں نو ماہ کے لئے بلامقابلہ منتخب کیا گیا۔گنگولی نے کہا کہ وہ جمعرات کو موجودہ کپتان وراٹ کوہلی سے ملاقات کریں گے۔کوہلی سے بات کرنے کے بارے میں پوچھنے پر گنگولی نے کہا کہ وراٹ کوہلی ہندوستانی کرکٹ میں سب سے اہم شخصیت ہیں اور ہم انہیں سنیں گے۔ایک دوسرے کے لیے احترام ہوگا اور رائے بھی ہوگی۔ انہوں نے کہا کہ میں کل وراٹ کوہلی سے بات کروں گا، ہم انہیں ہر ممکن طریقے سے حمایت کریں گے، وہ جو بھی چاہتے ہوں۔سابق کپتان مہندر سنگھ دھونی کے مستقبل کو لے کر چل رہی قیاس آرائی کے بارے میں پوچھنے پر گنگولی نے کہاکہ چمپئنز اتنی جلدی اختتام نہیں کرتے۔جب تک میں ہوں، ہر کسی کا احترام ہوگا۔