جعلی پاسپورٹ کیس میں مافیا ابو سلیم کو 3 سال قید کی سزا

Source: S.O. News Service | Published on 28th September 2022, 11:52 AM | ملکی خبریں |

لکھنؤ، 28؍ستمبر (ایس او نیوز؍ایجنسی)  مافیا ابو سلیم کو جعلی پاسپورٹ کیس میں مرکزی تفتیشی بیورو (سی بی آئی) کی خصوصی عدالت نے منگل کے روز تین سال قید اور 10 ہزار روپے جرمانہ کی سزا سنائی۔ اسپیشل جوڈیشل مجسٹریٹ سمریدھی مشرا نے جعلی پاسپورٹ کیس میں اپنا فیصلہ سناتے ہوئے ابو سلیم عبدالقیوم انصاری اور اس کے ساتھی پرویز عالم کو تین سال قید اور 10 ہزار روپے جرمانے کی سزا سنائی۔

عدالت نے ابو سالم اور ان کی اہلیہ سمیرا جمانی کے جعلی پاسپورٹ بنانے پر پرویز عالم پر 35 ہزار روپے جرمانہ عائد کیا ہے۔ عدالت نے کہا کہ ملزمان کو سنائی گئی تمام سزائیں ایک ساتھ چلیں گی۔ اگر اس کیس میں اس نے اضافی مدت جیل میں گزاری ہے تو اسے سزا میں ایڈجسٹ کیا جائے گا۔ ابو سلیم عدالت کی طرف سے سزا سنائے جانے کے وقت نوی ممبئی کی تلوجہ جیل سے ویڈیو کانفرنسنگ کے ذریعے پیش ہوا تھا۔ اس دوران محمد پرویز عالم ذاتی طور پر عدالت میں پیش ہوئے۔

اس معاملے میں زیر بحث پاسپورٹ 06 جولائی 1993 کو جاری کیا گیا تھا۔ 22 اگست اور 21 جولائی کو ابو سلیم کو خصوصی عدالت میں پیش کیا گیا۔ پہلی پیشی پر ملزم ابو سلیم نے جج کے سامنے اپنا بیان ریکارڈ کرایا۔ سی بی آئی کے اسپیشل پبلک پراسیکیوٹر نے عدالت کو بتایا کہ 1993 کے ممبئی بم دھماکوں کی تحقیقات کے دوران ابو سلیم کی جانب سے جعلی دستاویزات کی بنیاد پر پاسپورٹ بنانے کا معاملہ سامنے آیا تھا۔

ایک نظر اس پر بھی

بی جے پی حکومت نے کھاد کے لیے بھی کسانوں کو کیا پریشان: کمل ناتھ

مدھیہ پردیش کے سابق وزیر اعلی کمل ناتھ نے ایک بار پھر بھارتیہ جنتا پارٹی کی حکومت پر کسان مخالف ہونے کا الزام لگاتے ہوئے آج کہا کہ حکومت نے کھاد کے لیے کسانوں کو بہت زیادہ پریشان کیا ہے۔ اپنے سلسلہ وار ٹوئٹس میں سابق وزیر اعلی کمل ناتھ نے کہا کہ مدھیہ پردیش کے کسانوں کو کیمیائی ...

قومی راجدھانی دہلی کی فضا ’انتہائی خراب‘، 321 اے کیو آئی درج

 قومی راجدھانی کی ہوا کا معیار منگل کی صبح 'انتہائی خراب' زمرے میں رہا اور کوالٹی انڈیکس 321 ریکارڈ کیا گیا۔ سسٹم آف ایئر کوالٹی اینڈ ویدر فورکاسٹنگ اینڈ ریسرچ (سفر) کے مطابق منگل کی صبح شہر کا مجموعی ایئر کوالٹی انڈیکس (اے کیو آئی) انتہائی خراب زمرے میں 321 پر ریکارڈ کیا گیا۔ ماحول ...

مہاراشٹر-کرناٹک سرحد تنازعہ میں شدت، بیلگاوی میں مہاراشٹر کے ٹرکوں پر پتھراؤ، حالات کشیدہ

کرناٹک اور مہاراشٹر کے درمیان جاری سرحد تنازعہ نے بیلگاوی علاقہ میں حالات کو کشیدہ کر دیا ہے۔ سرحدی علاقہ بیلگاوی میں تشدد کے واقعات پیش آ رہے ہیں اور منگل کے روز تو بیلگاوی کے باگیواڑی میں شدید احتجاجی مظاہرہ دیکھنے کو ملا۔ اس دوران کرناٹک رکشن ویدیکے سے جڑے کارکنان نے ...

دسمبر 7 سے شروع ہونے والے سرمائی اجلاس سے قبل ہی اپوزیشن پارٹیوں نے مرکز کے سامنے رکھے اہم مطالبات؛ کل جماعتی میٹنگ میں اہم باتوں پر ہوا تبادلہ خیال

بدھ یعنی 7 دسمبر سے  شروع ہوکر 29 دسمبر کو ختم ہونے والے پارلیمنٹ کے سرمائی اجلاس سے پہلے  ہی  مرکزی حکومت نے کل جماعتی میٹنگ کرنے کا فیصلہ کیا تھا جو منگل کو  منعقد ہوا۔