پتور گینگ ریپ ویڈیو کلپ پھیلانے کے الزام میں مزید 3افراد گرفتار
پتور 6/جولائی (ایس او نیوز) کالج کی طالبہ کو نشہ آور چیز کھلا کر اجتماعی عصمت دری کا جو معاملہ پیش آیا تھا اس کی ویڈیو کلپ کو سوشیل میڈیا پر اپ لوڈ کی گئی تھی۔ پولیس نے عصمت دری کے ملزم طالب علموں کو گرفتار کرنے کے ساتھ ساتھ عوام کو بھی تنبیہ کی تھی کہ اس ویڈیو کلپ کو عام پھیلانے سے پرہیزکریں ورنہ ایسے افراد کے خلاف کے سخت قانونی کارروائی کی جائے گی۔
اس وارننگ کے بعد پولیس نے سوشیل میڈیا پر کڑی نظر رکھی اور اسے کلپ کو فارورڈ کرنے والوں کے خلاف اقدام شروع کیا، جس کے تحت اس سے قبل 8افراد کو حراست میں لیا گیا تھا اب مزید 3افراد کو گرفتار کیاگیا، اس طرح اب تک جملہ 11افراد ویڈیو عام کرنے کے الزام میں عدالتی حراست بھیج دئے گئے ہیں۔جن تین افراد کو پولیس نے گرفتار کیا ہے ان کے نام نذیر، جابر اور شوکت بتائے جاتے ہیں۔ معلوم ہوا ہے کہ نذیر بیلارے گرام پنچایت کا صدر بھی ہے۔ا ن تینوں افراد کو عدالتی تحویل میں بھیج دیا گیا ہے۔
اس سے قبل بدھ کے دن گرفتار کیے گئے مرلی دھر، چندرا شیکھر مئیا، شریان ایس، پووپا کے، پون کمار ڈی، موہت پی جی، دھیان اے این اور ادویت کمار نائک نے جمعہ کے روزضمانت کے لئے درخواست دی تھی۔مگر عدالت نے اس عرضی پر سماعت کو سنیچر تک کے لئے ملتوی کردیا۔
