سی بی آئی نے گیل کے ڈائریکٹر ای ایس رنگناتھن کو گرفتارکرلیا
نئی دہلی، 17؍جنوری (ایس او نیوز؍یو این آئی) مرکزی تفتیشی بیورو (سی بی آئی) نے اتوار کو گیل کے ڈائریکٹر (مارکیٹنگ) ای ایس رنگناتھن کو گرفتار کر لیا-سرکاری ذرائع نے بتایا کہ چھاپوں کے دوران ملنے والے ابتدائی شواہد کی بنیاد پر رنگناتھن کو گرفتار کیا گیا-سی بی آئی نے جمعہ کو گیل کے ڈائریکٹر رنگناتھن اور دیگر کے خلاف ایف آئی آر درج کی تھی- اسی بنیاد پر ہفتہ کو دارالحکومت دہلی سمیت8ممکنہ مقامات پر چھاپے مارے گئے - اس دوران5ملزموں کو گرفتار کر لیا گیا-سی بی آئی کا دعویٰ ہے کہ اب تک چھاپوں میں رنگناتھن کے مختلف ٹھکانوں سے1.3کروڑ روپے نقد برآمد ہوئے ہیں -