انسدادتبدیلی مذہب بل لایانہیں جاتاتوکرناٹک والے مرجاتے؟ انتخابات کے پیش نظرہندوووٹ بینک کی کوشش کی گئی ہے؟پرمیشور
بنگلورو،29؍دسمبر(ایس او نیوز)سابق نائب وزیراعلیٰ جی پرمیشورنے ریاستی حکومت کوشدید تنقیدکانشانہ بناتے ہوئے کہاکہ انسدادتبدیلی مذہب مسودہ قانون لایانہیں جاتاتوکیاکرناٹک ڈوب جاتا؟کیاریاست کے عوام مرجاتے؟ایسی کونسی ایمرجنسی تھی یہ قانون لانے میں؟ تمام ذاتوں اوردھرموں کومتحدکرنے کی بجائے عوام کے جذبات کو مشتعل اوربرانگیختہ کرنے کاکام کیاجارہاہے۔
انہوں نے مزیدکہاکہ ریاست میں بہت سارے زندہ اورسلگتے مسائل ہیں،ان مسائل کوحل کرنے کی بجائے انسدادتبدیلی مذہب بل ترتیب اورپیش کرنے کی ضرورت کیاتھی؟۔ بروزمنگل منڈیاضلع کے مدورٹاؤن کے شیوپورمیں واقع ستیہ گرہ سودھامیں کانگریس کے یوم تاسیس پروگرام سے خطاب کرتے ہوئے جی پرمیشورنے کہاکہ انتخابات بالکل سامنے ہیں۔اس لیے ہندوؤں کو متحد کرناہے، عیسائیوں، مسلمانوں اوردیگر مذہب والوں کوالگ الگ کرناہے،اس مقصدکے پیش نظربی جے پی والے انسدادتبدیلی مذہب قانون کوپیش کیاہے۔