ڈیزل سے بھری ٹینکر انکولہ میں اُلٹ گئی؛ ڈرائیورشدید زخمی
بھٹکل 10/ جون (ایس او نیوز) ڈیزل سے بھری ایک ٹینکر انکولہ تعلقہ کے ہوسور نیشنل ہائی وے 66 پر اُلٹ گئی جس کے نتیجے میں ٹینکر سے ڈیزل رسنا شروع ہوگیا۔ واردات بدھ کی شام کو پیش آیا۔
ذرائع سے ملی اطلاع کے مطابق ٹینکر مینگلور سے انکولہ کی طرف جارہی تھی، ہوسور ہائی وے پر ڈرائیور کے ہاتھوں بے قابو ہوکر ڈیوائیڈر سے ٹکراتے ہوئے اُلٹ گئی۔ حادثے میں ٹینکر ڈرائیور شدید زخمی ہوا ہے اور اسے انکولہ سرکاری اسپتال میں ایڈمٹ کیا گیا ہے۔ جبکہ ٹینکر سے ڈیزل رسنے کی وجہ سے پولس نے جائےوقوع پر پہنچنے کے بعد فائر بریگیڈ کی مدد لی اور ضروری اقدامات کرتے ہوئے ڈیزل کے رساو کو فوری قابو میں کرلیا۔
انکولہ پولس تھانہ میں معاملہ درج کیا گیا ہے۔