بھٹکل کانگریس اقلیتی سیل کی جانب سے مریضوں میں پھلوں کی تقسیم
بھٹکل:8؍ستمبر(ایس اؤ نیوز)حال ہی میں بیندور میں ہوئے سڑک حادثےمیں فوت ہوئے سٹی لائٹ ہوٹل کے مالک اور بھٹکل کانگریس اقلیتی سیل کے نائب صدر مرحوم نورالامین کی یاد میں کانگریس لیڈران وکارکنان نے سرکاری اسپتال پہنچ کر مریضوں میں پھلوں کی تقسیم کی۔
اس موقع پر اترکنڑا ضلع کانگریس اقلیتی سیل کے صدر عبدالمجید نے تاثرات پیش کرتے ہوئے کہاکہ مرحوم نورالامین ایک مخلص انسان تھے۔ ہنس مکھ چہرہ اور بھائی چارگی کی بہتر مثال تھےاور کانگریس کے وفادار سپاہی ہونےکی بات کہی۔ بھٹکل بلاک کانگریس صدر سنتوش نائک، اقلیتی سیل کے صدر منیر احمد ، تعلقہ پنچایت ممبر وشنو دیواڑیگا، کےسلیمان ، نارائن نائک، کے جے نائک، راجیش نائک سمیت اقلیتی سیل کے عہدیداران اور ممبران موجود تھے۔