میسورو ،17؍ مئی (ایس او نیوز؍یو این آئی) ایک ایسے وقت جب ریاست کے بیشتر اضلاع کووڈ ۔19 کے بڑھتے کیسس سے پریشان ہیں۔میسورو ضلع نے اس عالمی وباءسے سخت مقابلہ کیا حتیٰ کہ جمعہ کو یہاں صفر ایکٹیو کیسس رہ گئے۔ ضلع نے کووڈ۔ 19 کے 90 کیسس کو 55 دنوں میں صفر کرنے اپنے انداز میں لڑائی کی۔ پہلا مریض 21؍ مارچ کو پایا گیا اور آخری مریض 29 ؍ اپریل کو منظر عام پر آیا ۔ 90 ؍ کیسس میں صرف ننجا گوڈکلسٹر (جو بیلنٹ جینرکس ) کے 74 جبکہ 10 کیسس کا تعلق نظام الدین کے تبلیغی اجتماع سے تھا۔ سنگین عارضہ تنفس کے 2 کیسس اور دیگر 2کیسس کا تعلق کیرالہ سے تھا۔ 90 مریضوں کے منجملہ 81 مرد اور 9 عورتیں تھیں۔ چار افراد کی عمر 60 سال سے زائد جبکہ 7 سال کا ایک بچہ تھا۔

واضح رہے کہ میسورو میں صحت یابی کی شرح بے حد بلند ہے اور اس مرض سے کسی کی موت نہیں ہوئی۔ اگر چیکہ ایکٹیو کیسس گھٹ کر صفر ہوگئے اور گزشتہ 15 دنوں میں کوئی تازہ کیسس سامنے نہیں آیا، تاہم ضلع اب بھی کووڈ۔19 سے مکمل پاک نہیں ہوا، کیوں کہ تقریباً 600 بین ریاستی شہری ادارہ جاتی قرنطینہ میں ہیں۔ کووڈ۔19 کے تازہ کیسس کے امکانات ہیں۔

دپٹی کمشنر ابراہم جی شنکر نے کہ کہ ہمیں زیادہ محتاط رہنا ہوگا، کیوں کہ آگے چیلنجز ہیں۔ ضلع انتظامیہ اور محکمہ صحت، کسی بھی چیلنج کا سامنا کرنے تیار ہے۔ ‘‘ ڈپٹی کمشنر نے عوام سے عام مقامات پر سماجی دوری برقرار رکھنے اور معمر شہریوں، بچوں اور مریضوں کا خصوصی خیال رکھنے کی اپیل کی۔