گرائجویٹ اور ٹیچر حلقوں کے لئے انتخابات ووٹر فہرست کی تیاری کا کام شروع ہوگیا: چیف الیکشن کمشنر سنجیو کمار

Source: S.O. News Service | Published on 25th September 2019, 1:11 PM | ریاستی خبریں |

بنگلورو،25؍ستمبر (ایس او نیوز) ریاست کی قانون ساز کونسل کے گرائجویٹ اور ٹیچرز (اساتذہ) حلقوں کے لئے انتخابات کی تیاریاں کی جارہی ہیں - اس سلسلے میں یکم تا 6اکتوبر گرائجویٹ اور ٹیچرز حلقوں کے لئے رائے دہندوں کی فہرست (ووٹرلسٹ) کی تیاری کا کام کیا جائے گا- یہ بات ریاست کے چیف الیکشن کمشنر سنجیو کمار نے اخباری کانفرنس کے دوران کہی- انہوں نے کہا کہ ریاست کے گرائجویٹ اور ٹیچرز حلقوں سے منتخب اراکین قانون ساز کونسل کی میعاد ختم ہورہی ہے- اس لئے انتخابات کے لئے ابھی سے تیاریاں شروع کی جارہی ہیں - اس سلسلے میں ووٹروں کے رجسٹریشن کا کام شروع کیاجارہا ہے- انہوں نے بتایا کہ یکم اکتوبر سے 6اکتوبر کے درمیان رجسٹریشن کا کام مکمل کرلیا جائے گا اور 30/دسمبر کو گرائجویٹ اور ٹیچرز حلقوں کے لئے ووٹرس کی حتمی فہرست جاری کی جائے گی- انہوں نے بتایا کہ گزشتہ انتخابات کے دوران ان حلقوں کے لئے اپنا نام رجسٹر کرانے والوں کے لئے ضروری ہے کہ وہ اس مرتبہ کے انتخابات کے لئے اپنا نام دوبارہ درج کرائیں - فہرست میں نام شامل کرنے کے لئے ناموں کا اندراج لازمی کردیا گیا ہے- انہوں نے بتایا کہ ٹیچرز حلقوں کے لئے ووٹر فہرست میں نام درج کرانے کے لئے ووٹر کے لئے تدریس کا 3سالہ تجربہ لازمی ہے-اس ضمن میں دستاویزات فراہم کرنے پر ہی نام ووٹر فہرست میں درج کئے جائیں گے جبکہ گرائجویٹ حلقوں کی فہرست میں نام درج کرانے کے لئے ڈگری سرٹی فکیٹ اور دیگر دستاویزات منسلک کرنا لازمی ہے- انہوں نے بتایا کہ ووٹر رجسٹریشن کے لئے بنگلور، بیلگاوی اور کلبرگی میں زونل کمشنرز کو چیف آفیسر مقرر کیا گیا ہے- جبکہ دیگر اضلاع میں ڈپٹی کمشنرز چیف افسر ہوں گے-

ایک نظر اس پر بھی

شیواجی نگر حلقے سے کانگریس کا راست مقابلہ بی جے پی سے عوام کو حلقے کی فلاح کے حق میں فیصلہ لینا ہوگا۔ انتشار سے فرقہ پرست بی جے پی کو فائدہ ہوگا: رضوان ارشد

یواجی نگر اسمبلی حلقہ جو ان اسمبلی حلقوں میں شامل ہے جس کے اراکین اسمبلی نے بی جے پی کے آپریشن کنول کا حصہ بن کر اپنی رکنیت سے استعفیٰ دیا اور نا اہل قرار پائے اس حلقے میں 5دسمبر کو ضمنی انتخابات کے لئے تینوں اہم سیاسی جماعتوں سے امیدوار میدان میں آچکے ہیں۔

بیدر میں گرلزاسلامک آرگنائزیشن کی جانب سے یومِ اُردو کا انعقاد؛ ”ایک قدم...اُُردو کی بقاء ترقی و ترویج کیلئے“

گرلز اسلامک آرگنائزیشن آف انڈیا کرناٹک (بیدریونٹ) کی جانب سے یومِ اُردو بعنوان ”ایک قدم...اُردو کی بقا ء ترقی و ترویج کیلئے“کا انعقاد بیدر میں منعقد ہوا  جس میں مہمانِ خصوصی کی حیثیت سے خطاب کرتے ہوئے محترمہ ڈاکٹر سرورعرفانہ سی آر پی بھا لکی محکمہ تعلیمات عامہ بیدر نے کہا کہ ...