بھٹکل:11؍ستمبر(ایس اؤ نیوز)بھٹکل ایجوکیشن ٹرسٹ کے دی نیو انگلش اسکول میں عطیہ کنندگان کے تعاون سے 104طلبا میں مفت یونیفارم تقسیم کئے گئے۔
اس موقع پر بات کرتےہوئے ٹرسٹ کے صدر ڈاکٹر سریش نایک نےطلبا کو تعلیم کو لے کر فکرمند ہونا چاہئے۔ اور اپنی منزل کی طرف نگاہ رکھنے کی صلاح دی۔ ودیا بھارتی کی صدر مدرسہ روپا کھاروی نے یونیفارم کے لئے عطیہ جات دینےو الے چندرو نائک چوتھنی اور سبرائے ایچ نائک کا شکریہ اداکیا۔پروگرام میں زونل لیول کھیل مقابلوں میں جیت حاصل کرنےو الے طلبا کو انعامات سے نوازاگیا۔ پیرنٹس اینڈ ٹیچرس اسوسی ایشن کے نائب صدر گنپتی نائک ڈائس پر موجود تھے۔ اسکول کی صدرمدرسہ گنپتی شرور نے افتتاحی کلمات پیش کرتے ہوئے سبھی کا استقبال کیا۔ استاد شمبھو گوڈا نے شکریہ اداکیا۔ استاد روی راج چوکی منے نے نظامت کی۔