بھٹکل ویلفئیر اسپتال میں زبردست بدلاو کے آثار؛ ایک نئے ڈاکٹر کی آمد کے بعد عنقریب گائنو اور جنرل سرجن کا کیا جارہا ہے تقرر؛ چار دنوں سے جاری ہے مفت ہیلتھ چیک آپ کیمپ
بھٹکل 7 ستمبر (ایس او نیوز) بھٹکل ویلفئیر اسپتال میں زبردست بدلاو کے آثار نظر آرہے ہیں اور بھٹکل کے مریضوں کو دوسرے شہروں میں جانے سے روکنے اور یہیں پر بہترین طبی سہولیات فراہم کرنے تجربہ کار ڈاکٹروں کا تقرر کیا جارہا ہے۔ اس ضمن میں حال ہی میں جنرل میڈیسن ڈاکٹر یگنیش کیڈیور (ایم بی بی ایس۔ایم ڈی) کا یہاں تقرر کیا گیا ہے اور اب عنقریب یہاں ایک گائنو کولوجسٹ، جنرل سرجن اور ایک انیستھیٹسٹ (بے ہوش کرنے والا ڈاکٹر) کا بھی تقرر کیا جائے گا۔ اس بات کی اطلاع اسپتال کے چیف ایکزی کوٹیو آفسر غفران احمد لنکا نے دی۔ انہوں نے بتایا کہ بھٹکل میں طبی سہولیات کے فقدان کو دیکھتے ہوئے کوشش کی جارہی ہے کہ بھٹکل اور اطراف کے عوام کو یہیں پر ہر طرح کی طبی سہولیات فراہم کی جائے انہوں نے کہا کہ انڈین نوائط فورم (آئی این ایف) کے اشتراک سے عنقریب ویلفیر اسپتال میں ڈایا لیسس کی خدمات بھی فراہم کی جائے گی۔
غفران احمد لنکا نے بتایا کہ 3 ستمبر سے یہاں تجربہ کار ڈاکٹر یگنیش کیڈیور کا تقرر کیا جاچکا ہے اور ان کی آمد پر 3 ستمبر سے 9 ستمبر تک بھٹکل انجمن انجینرنگ کالج الومنی کی طرف سے فری ہیلتھ چیک آپ کیمپ بھی جاری ہے جس سے بھٹکل و اطراف کے عوام بھرپور فائدہ اُٹھارہے ہیں، غفران کے مطابق روزانہ 60 سے 65 مریضوں کی جانچ ہورہی ہے اور اس کیمپ میں لیباریٹری، بلڈ ٹیسٹ اور ایکسرے کی مفت سہولت فراہم کی گئی ہے۔ غفران نے بھٹکل اور اطراف کے عوام سے درخواست کی کہ وہ فری کیمپ کا فائدہ اُٹھائیں۔ یہ کیمپ صبح 9:30 بجے سے دوپہر 1:30 بجے تک پھر شام 4:30 بجے سےرات 9 بجے تک جاری ہے۔
خیال رہے کہ ڈاکٹر یگنیش کیڈیور ہارٹ اٹیک، بلڈ پریشر، اسٹروک، دمہ، نمونیا، زیابطس اور تھائروڈ ودیگر امراض کے ماہر ہیں۔