فرانس کے سرپر فیفا ورلڈ کپ کا تاج

Source: S.O. News Service | By Jafar Sadique Nooruddin | Published on 16th July 2018, 12:53 AM | عالمی خبریں | اسپورٹس |

ماسکو:15/جولائی (ایس او نیوز)فیفا ورلڈ کپ 2018ء کا خطاب فرانس نے آج یہاں لیزینگی اسٹیڈیم میں کھیلے گئے مقابلے میں کروشیا کو 4-2گول سے ہراکر جیت لیا۔ فائنل میں سنسنی خیز مقابلے کے بعد فرانس پر ولڈ کپ کا تاج سجا جبکہ تاریخ میں پہلی بار فائنل کھیلنے والی کروشین ٹیم کو شکست ہوئی تاہم گراؤنڈ میں کھیل کے شائقین کی جانب سے کروشیائی کارکردگی کو بہت سراہا گیا۔ فائنل میں کھیل کی ابتدا سے ہی دونوں ٹیموں کی جانب سے سخت مقابلہ دیکھنے میں آیا اور کھلاڑیوں نے ایک دوسرے کے گول پر زبردست حملے کئے تاہم کروشیاکی ایک غلطی نے میچ کا رخ فرانس کی جانب موڑدیا جب 18ویں منٹ میں فرانس کو فری کک کا ایک موقع ملا اور کرشین کھلاڑی ماریومینڈ زوکک کی غلطی سیاون گول ہوگیااورفرانس کو 0-1کی برتری ملی۔

کروشیا نے اپنی غلطی پر قابو پایا اور زبردست فائٹ بیک کرتے ہوئے 28ویں منٹ میں فرانسیسی برتری کو 1-1کردیا جب آیون پیریسک نے گول کیااور ٹیم کو واپس میچ میں لے آئے۔ حالانکہ فرانس پر کروشیا لگاتار دباؤ بنارہالیکن جب 59ویں منٹ میں پوگبا نے فرانس کا تیسرا گول اسکور کیاتو اس کے بعد فرانس کو ذہنی برتری ہوگئی۔ ایسے لگتا تھا کہ کروشیائی کھلاڑیوں کا حوصلہ ٹوٹ گیا ہے۔ لیکن 65ویں منٹ پر فرانس کے مسیپسی نے چوتھا گول داغ دیا۔ جب مقابلے میں اسکور 1-1تھا تو فرانس نے کروشیائی گول پر تابڑ توڑ حملے شروع کردئے فرانس کو برابری کا اسکور ذرا بھی نہ بھایا اور 10منٹ بعد ہی یعنی میچ کے 38ویں منٹ میں انہیں پینالٹی کازبردست موقع ہاتھ لگا جس پر فرانسیسی اینٹونی گرزمین نے زبردست طریقے سے گول اسکور کرکے میچ کو واپس اپنے حق میں کردیا اور اسکو 1-2ہوگیا۔ میچ میں ریفری کی جانب سے پہلا پیلا کارڈ فرانس کے نگولو کانیکو 27ویں منٹ میں دکھا یاگیا جبکہ دوسرا پیلا کارڈ لوکس ہرنینڈ کو حریف کھلاڑی کو گرانے پر 41ویں منٹ میں دکھایا گیا تھا۔

دوسرے ہاف میں کروشیا نے حریف کے گول پر پے درپے حملے کئے جو سب ناکام گئے لیکن فرانس مزید 2گول کرنے میں کامیاب ہوگیا جب 59ویں منٹ میں پال پوگبا نے 1-2کی برتری کو 1-3کیا اور پھر عالمی کپ میں فرانس کی جیت کی کیل 65ویں منٹ میں کائل مبپا نے چوتھا گول کرکے ٹھونک دی اور کروشیا کے فائنل میں واپسی کے امکانات کو ایک وقت کے لیے تقریباً ختم کردیا۔ میچ کے 69ویں منٹ میں کروشیا کی جانب اون گول کرنے والے ماریومینڈ وزکک کے ہاتھ اپنی غلطی سدھارنے کا اور گول اسکور کرنے کا زبردست موقع لگا اور انہوں ے گول اسکور کرکے حریف ٹیم کی برتری کو 2-4کردیا تاہم اس کے بعد کوئی ٹیم گول اسکور نہ کرسکی اور فائنل سمیت ٹورنامنٹ کی ٹرافی فرانس کے نام رہی۔ تقریباً 48برس بعد ورلڈ کپ فٹ فائنل میں 4گول اسکور کرنے والی فرانس پہلی ٹیم بن گئی۔ اس سے پہلے 1970ء میں برازیل نے ورلڈ کپ فٹ بال کے فائنل مقابلے میں 4گول اسکور کئے تھے۔ 

ایک نظر اس پر بھی

کورونا وائرس: مہلوکین کی تعداد بڑھ کر ہوئی 2345

  چین میں کورونا وائرس سے جمعہ کو109 مزید افراد کی موت کے ساتھ ہی اس جان لیواوبا سے مرنے والوں کی تعداد بڑھ کر 2345 ہو گئی ہے جبکہ 397 نئے کیس آنے کے ساتھ ہی اب تک کل 76،288 مریضوں میں اس وائرس کے اثرات پائے گئے ہیں۔

تیونس میں النھضہ پرمشتمل مخلوط حکومت کا قیام

عرب ملک تیونس میں نامزد وزیراعظم الیاس الفخفاح مسلسل ایک ماہ تک مختلف سیاسی جماعتوں کے ساتھ مشاورت اور مذاکرات کے بعد حکومت کی تشکیل میں کامیاب ہوگئے ہیں۔ تیونس کی نئی حکومت میں مذہبی سیاسی جماعت 'تحریک النہضہ' کو بھی شامل کیا گیا ہے۔

دو تین سالوں تک اسی صلاحیت کے ساتھ کھیل سکتا ہوں: وراٹ کوہلی

ہندوستانی کرکٹ ٹیم کے کپتان وراٹ کوہلی کا خیال ہے کہ مصروف شیڈول کے درمیان باقاعدہ آرام کرنے سے انہیں بین الاقوامی کرکٹ کے تمام فارمیٹس کے علاوہ آئی پی ایل کھیلنے میں بھی مدد ملی ہے اور وہ اگلے دو تین سال تک اسی صلاحیت کے ساتھ کھیل سکتے ہیں۔

پاکستان کے آل راؤنڈرشاہد آفریدی کے گھر پانچویں بیٹی کی پیدائش

پاکستان کے آل راؤنڈر شاہد آفریدی کے یہاں پانچویں بیٹی کی پیدائش ہوئی ہے۔ شاہد آفریدی نے سوشل میدیا پر اپنی بیٹیوں کی تصویر شیئر کرتے ہوئے لکھا ہے کہ میں یہ خوشخبری اپنے چاہنے والوں کے ساتھ شیئر کر رہا ہوں۔