محکمہ انکم ٹیکس نے گوتم کھیتان کے خلاف دائر کئے چار نئے چارج شیٹ 

Source: S.O. News Service | By Shahid Mukhtesar | Published on 11th June 2019, 9:46 PM | ملکی خبریں |

نئی دہلی11 جون (ایس او نیوز/آئی  این ایس انڈیا) محکمہ انکم ٹیکس نے وکیل گوتم کھیتان کے خلاف چار نئے چارج شیٹ دائر کئے ہیں۔ کھیتان کروڑوں روپے کے وی وی آئی چاپر گھوٹالے کا ملزم ہے۔ کھیتان کے خلاف یہ نئے چارج شیٹ ٹیکس چوری اور سنگاپور کے واضح نہ کئے گئے بینک اکاؤنٹ رکھنے کے لئے دائر کئے گئے ہیں۔ سرکاری ذرائع نے منگل کو کہا کہ ایک خاص عدالت کے سامنے گزشتہ ہفتے چار ضمنی چارج شیٹ دائر کی گئیں۔کھیتان کے خلاف یہ چارج شیٹ انکم ٹیکس قانون کی دفعہ 276 سی (1) (جان بوجھ کر ٹیکس چوری) اور دفعہ 277 (حلف لے کر غلط بیانی) کے تحت دائر کئے گئے ہیں۔ محکمہ نے کھیتان کے خلاف 2018 اور اس سے ایک سال پہلے بیرون ملک جائیداد رکھنے اور تمام املاک اور آمدنی کی وضاحت نہ کرنے کے لئے کم از کم نو چارج شیٹ دائر کئے تھے۔ ذرائع نے بتایا کہ تازہ واقعات کی وجہ یہ ہے کہ ٹیکس حکام کو اس بات کے نئے ثبوت ملے ہیں کہ کھیتان کے سنگاپور میں اس کے اپنے نام کے تین بینک اکاؤنٹ ہیں۔یہ چار چارج شیٹ مالی سال 2009-10 سے 2012-13 تک کے لئے دائر کئے گئے ہیں۔ ذرائع کا دعوی ہے کہ کھیتان نے ٹیکس حکام کے سامنے ان اکاؤنٹس کی ملکیت ظاہر نہیں کی ہے۔ محکمہ نے چند ماہ قبل تہاڑ جیل میں کھیتان کا بیان درج کیا تھا۔کھیتان کو ای ڈی نے منی لانڈرنگ کے معاملے میں گرفتار کیا تھا۔ اب تک محکمہ انکم ٹیکس کھیتان کے خلاف 13 چارج شیٹ دائر کر چکا ہے۔  

ایک نظر اس پر بھی