بیرون ملک بھیجنے کے نام پر ٹھگنے والے گینگ کا پردہ فاش، 4 افراد گرفتار 

Source: S.O. News Service | By Shahid Mukhtesar | Published on 26th May 2019, 1:26 PM | ملکی خبریں |

نئی دہلی،26/ مئی (ایس او نیوز/آئی این ایس انڈیا) دہلی پولیس نے بیرون ملک بھیجنے کے نام پرلوگوں سے ٹھگنے والے ایک گینگ کے 4 افراد کو گرفتار کیا ہے جس میں 2 خواتین ہیں۔یہ گروہ اب تک 200 سے زیادہ لوگوں کو لاکھوں کا چونا لگا چکا ہے۔کرن اور کنال نام کے یہ دو شخص مغربی دہلی کے جنک پوری علاقے میں بلیک اسٹون امیگریشن سروس نام سے ایک ٹریول ایجنسی چلا رہے تھے۔ان پر الزام ہے کہ یہ لوگ بیرون ملک بھیجنے کے نام پر لوگوں سے ٹھگی کرتے تھے۔پورا معاملہ اس وقت سامنے آیا جب راجستھان کے سیکر کے رہنے والے ایک شخص وجے نے دہلی پولیس کو شکایت کی اور کہا کہ اس نے ان لوگوں کو کینیڈا میں ورکنگ ویزا کے لئے سوا لاکھ روپے دئیے لیکن یہ لوگ پیسے لے کر غائب ہو گئے۔پولیس نے اس معاملے میں کیس درج کر کے تحقیقات شروع کی تو پتہ چلا کہ ملزم پنجاب کے پٹیالہ اور جرکپور میں ہیں۔پولیس نے وہاں سے کنال اور کرن کو گرفتار کر لیا، ان کے ساتھ گینگ میں شامل 2 خواتین کو بھی گرفتار کیا گیا۔ملزمان نے بتایا کہ وہ گزشتہ ایک سال سے یہ کام کر رہے تھے اور اب تک 200 سے زیادہ لوگوں کو بیرون ملک نوکری دینے اور بیرون ملک بھیجنے کے نام پر لاکھوں روپے ٹھگ چکے ہیں، لیکن انہوں نے کسی کو بیرون ملک نہیں بھیجا، یہاں تک کہ خود بھی کبھی بیرون ملک نہیں گئے۔پولیس نے ان کے پاس سے 148 پاسپورٹ، 35 سم کارڈ اور 13 موبائل برآمد کئے ہیں، اب ان کے ساتھی کاکا کی تلاش کی جا رہی ہے۔

ایک نظر اس پر بھی

مانسون اجلاس: پیگاسس اور کسانوں کے مسئلہ پر حزب اختلاف کا ہنگامہ جاری، راجیہ سبھا کی کارروائی تک ملتوی

راجیہ سبھا میں اپوزیشن جماعتوں کے ارکان نے پیگاسس جاسوسی کیس، کسانوں کے مسائل اور مہنگائی پر راجیہ سبھا میں شور و غل اور ہنگامہ کیا، جس کی وجہ سے ایوان کو دوپہر 2 بجے تک ملتوی کر دیا گیا۔ صبح ضروری دستاویزات میز پر رکھے جانے کے بعد چیئرمین ایم وینکیا نائیڈو نے کہا کہ ضابطہ 267 کے ...

دہلی: ریپ کے بعد قتل کی گئی بچی کے اہل خانہ سے راہل گاندھی کی ملاقات، ’انصاف کے راستہ پر میں ساتھ ہوں‘

  کانگریس کے سابق صدر راہل گاندھی نے بدھ کی صبح راجدھانی دہلی میں عصمت دری اور قتل کی شکار ہونے والی بچی کے اہل خانہ سے ملاقات کی۔ ملک کو شرمسار کر دینے والے اس واقعہ کا المناک پہلو یہ ہے کہ متاثرہ بچی کی لاش کو اہل خانہ کی مرضی کے بغیر نذر آتش کر دیا گیا۔ راہل گاندھی صبح کے وقت ...

دہلی سنبھال نہیں پا رہے ہیں، وزیر داخلہ یو پی کو دے رہے ہیں سرٹیفکیٹ: پرینکا گاندھی

کانگریس کی جنرل سکریٹری پرینکا گاندھی نے دہلی میں ایک بچی کے ساتھ ہوئے حادثے کی مذمت کرتے ہوئے وزیرداخلہ امت شاہ کو ہدف تنقید بنایا اور کہا کہ وہ دہلی کا لاء اینڈ آرڈر سنبھال نہیں پا رہے ہیں اور اترپردیش میں بہتر نظم و نسق کا سرٹیفکیٹ بانٹ رہے ہیں۔

راہل گاندھی کی ’ناشتہ پارٹی‘ کے بعد کانگریس نے کہا ’یہ آنے والے 2024 کی تصویر ہے‘

 کانگریس کے سابق صدر راہل گاندھی کی دعوت پر آج صبح 9.30 بجے 17 اپوزیشن پارٹیوں کے لیڈران کانسٹی ٹیوشن کلب پہنچے اور چائے و ناشتہ کی دعوت میں شرکت کی۔ اس سلسلے میں کانگریس ترجمان ابھشیک منو سنگھوی نے ایک پریس کانفرنس کر ان سبھی اپوزیشن پارٹی لیڈران کا شکریہ ادا کیا جنھوں نے راہل ...

دہلی میں 9 سالہ دلت بچی کی عصمت دری اور قتل کے خلاف کانگریس سراپا احتجاج

دہلی میں 9 سالہ دلت بچی کی عصمت دری اور قتل معاملہ کو لے کر کانگریس نے سخت ناراضگی کا اظہار کرتے ہوئے دہلی کی کیجریوال حکومت اور دہلی پولیس کے ساتھ ساتھ مرکز کی مودی حکومت کو بھی تنقید کا نشانہ بنایا ہے۔