بھٹکل 4/ اگست (ایس او نیوز) بھٹکل میں سرکاری فرسٹ گریڈ کالج کی اپنی کوئی عمارت نہیں تھی اور اب تک کرایے کی عمارت میں طلبہ کی پڑھائی انجام دی جارہی ہے۔ اس کالج کی اپنی عمارت کے لئے منظور شدہ سرکاری منصوبہ کافی عرصے سے التوا میں پڑا ہوا تھا۔اب بھٹکل جالی پنچایت کے تلگیرے میں 6.7 ایکڑ زمین پر فرسٹ گریڈ کالج کے لئے رکن اسمبلی سنیل نائک کے ہاتھوں سنگ بنیاد رکھا گیا۔
کالج کی تعمیر کے لئے 3.86کروڑ روپے کا فنڈ منظور کیا گیا ہے۔ اس موقع پر سنیل نائک نے بتایا کہ سرکاری فرسٹ گریڈ کالج اور آئی ٹی آئی کالج کی عمارتیں تعمیر کرنے کے لئے.26 4 ایکڑ اور4 ایکڑ زمین منظور کی گئی ہے۔ اس وقت یہ منصوبہ ٹینڈر کے مرحلے میں ہے۔ اس کے علاوہ پرائمری ہیلتھ سینٹر کے لئے بھی 4 ایکڑ زمین منظور کی گئی ہے۔ اس کی عمارت تعمیر کرن کے لئے سرکار سے فنڈ منظور کروانے کی کوشش جاری ہے۔ سنیل نائک نے بتایا کہ میں نے لاء کالج قائم کرنے کے لئے بھی سرکار کو تجویز پیش کی ہے۔ میرا نشانہ ایک ہی احاطے میں تمام قسم کی تعلیم مہیا کروانے کے انتظامات کے لئے کوشش کرنا ہے۔
اس موقع پر تعلقہ پنچایت کے اراکین، فرسٹ گریڈ کالج کی پرنسپال بھاگی رتی نائک، اساتذہ اور عملہ کے علاوہ بی جے پی کے سینیئر لیڈران، اراکین اور مقامی لیڈروں کی خاصی تعداد موجود تھی۔