بھٹکل مسلم یوتھ فیڈریشن کے زیر اہتمام مدینہ کالونی میں تیسرے واٹر پلانٹ کی سنگ بنیاد
بھٹکل:28؍ستمبر(ایس اؤ نیوز)بھٹکل مسلم یوتھ فیڈریشن (بی ایم وائی ایف) اور ینگ مسلم سرویس اسوسی ایشن بھٹکل کے اشتراک سے بروز سنیچر 28ستمبر 2019کو مدینہ کالونی میں فیڈریشن کے تیسرے واٹر پلانٹ کے لئے سنگ بنیاد رکھی گئی ۔
تقریب کا آغاز مولانا عمران اکرمی کی تلاوت قرآن سے ہوا۔ خیال رہے کہ فیڈریشن کی جانب سے یہ تیسراپلانٹ ہے اس سے قبل غوثیہ اسٹریٹ اور مخدوم کالونی میں بھٹکل مسلم جماعت منطقہ شرقیہ اور بھٹکل مسلم جماعت دبئی کے تعاون سے واٹر پلانٹ نصب کیا جاچکاہے۔ سنگ بنیاد کے موقع پر منعقدہ تقریب میں فیڈریشن کے صدر امتیاز ادیاور،جنرل سکریٹری نصیف خلیفہ، مرکزی خلیفہ جماعت المسلمین بھٹکل کے چیف قاضی مولانا خواجہ معین الدین اکرمی ندوی مدنی ، جامعہ اسلامیہ بھٹکل کے مہتمم مولانا مقبول کوبٹے ندوی، جامع مسجد کے خطیب و امام مولانا عبدالعلیم خطیب ندوی، مجلس اصلاح وتنظیم کے صدر ایس ایم سید پرویز،نائب صدر عتیق الرحمن منیری ، جنرل سکریٹری عبدالرقیب ایم جے ، مولانا محمد انصار ندوی، مولانا ایس ایم عرفان ندوی ، پروفیسر ہاشم قادری زرزری وغیرہ موجود تھے۔