منگلورو، 2؍ مئی (ایس او نیوز ) رکن اسمبلی یوٹی قادر نے قرنطینہ کی مدت کم کرنے ریاستی حکومت کے فیصلے کی مذمت کی اور دیگر ریاستوں سے آنے والوں کو لازمی طور پر قرنطینہ کرنے کا مطالبہ کیا۔

اخباری نمائندوں سے بات کرتے ہوئے قادر نے کہا کہ چوں کہ ضلع انتظامیہ نے قرنطینہ کی مدت میں کمی کردی، اُلال حلقہ میں دوسری ریاست سے واپس شخص اب حال ہی میں کورونا مثبت پایا گیا۔ یہی وجہ کہ کاپی کاڈ میں ایک مخصوص علاقہ کو اب سرگرم کنٹین منٹ زون قرار دیاگیا۔ اگر ضلع انتظامیہ نے اسے مکمل قرنطینہ مدت کی تکمیل کے بعد جانے دیا ہوتا تو کاپی کاڈ کے عوام کو پریشانی نہیں ہوتی ۔ حکومت لاک ڈاؤن میں نرمی اور قرنطینہ کی مدت میں کمی کرنے کی سنگین غلطی کررہی ہے۔

یو ٹی قادر نے حکومت سے دیگر ریاستوں سے آنے والوں کو لازمی طور پر قرنطینہ کرنے کا بھی مطالبہ کیا۔ کچھ معائنوں سے دستبرداری اور قرنطینہ کی مدت میں کمی کا حکومت کا اقدام درست نہیں ہے کیوں کہ یہ دیگر افراد میں غیر ضروری تناؤ پیدا کرتا ہے۔ حکومت نے تقریباً ڈھائی ماہ تک لاک ڈاؤن نافذ کیا۔ اب اس نے تمام رہنمایا نہ خطوط میں نرمی کی اور وائرس کے پھیلنے کی راہ ہموار کررہی ہے۔ حکومت غلطیاں کررہی ہیں ، اسے کورونا وائرس کو پھیلنے سے روکنے مناسب اقدامات کرنے چاہئے۔