بی جے پی میں شامل ہونے والے اسیم ارون پر اکھلیش یادو کا حملہ ’کیسے کیسے لوگ وردی میں چھپے بیٹھے تھے‘

Source: S.O. News Service | Published on 16th January 2022, 9:16 PM | ملکی خبریں |

لکھنؤ،16؍جنوری (ایس او نیوز؍ایجنسی) اتر پردیش میں اسمبلی انتخابات سے قبل سابق آئی پی ایس اسیم ارون کے بی جے پی کی رکنیت حاصل کرنے پر سماجوادی پارٹی کے سربراہ اکھلیش یادو نے سخت ردعمل ظاہر کرتے ہوئے کہا ہے کہ جو افسران پانچ سال تک بی جے پی کے لئے کام کر رہے تھے آج انہوں نے اپنی اصلیت ظاہر کر دی۔ انہوں نے کہا کہ وہ اس کی شکایت الیکشن کمیشن سے کریں گے۔

اسیم ارون کے بی جے پی میں شامل ہونے پر اکھلیش یادو نے تبصرہ کیا ’’بتائیے کیسے کیسے لوگ وردی میں چھپے بیٹھے تھے۔ ان لوگوں نے لگاتار ناانصافی کی اور اب انہیں حکومت سے انعام مل رہا ہے۔ یہ جہاں بھی انتخاب لڑیں گے، وہاں سے ان کی ضمانت ضبط ہوگی۔‘‘

انہوں نے کہا کہ ’’میں انتخابی کمیشن سے شکایت کروں گا کہ جو افسران پانچ سال تک حکومت کے ساتھ کام کر رہے ہیں ان پر کارروائی کی جائے۔ کیونکہ یہ لوگ بی جے پی کے لئے کام کر رہے ہیں۔ اگر الیکشن کمیشن ان افسران پر کارروائی نہیں کرے گا تو ہم نہیں مانیں گے کہ الیکشن کمیشن غیر جانبدار ہے۔‘‘ اکھلیش یادو نے کہا کہ وہ چار افسران کے بارے میں الیکشن کمیشن سے پہلے ہی شکایت کر چکے ہیں۔

قبل ازیں، بی جے پی کی رکینت حاصل کرنے والے اسیم ارون نے کہا کہ وہ وزیر اعظم نریندر مودی کی کرشمائی شخصیت اور وزیر اعلی یوگی آدتیہ ناتھ کی کامیاب ایڈمنسٹریٹر والی صاف شبیہ سے متاثر ہوکر بی جے پی میں آئے ہیں۔ قابل ذکر ہے کہ ارون کی وی آر ایس درخواست حال ہی میں حکومت کے ذریعہ منظور کئے جانے کے بعد 15جنوری کو ہی وہ سروس سے سبکدوش ہوئے ہیں۔

ایک نظر اس پر بھی

حجاب کیس: ججوں کو دھمکیاں دینے والے شخص کی درخواست ضمانت مسترد

بنگلورو کی ایک سیشن عدالت نے تمل ناڈو کے ترونیل ویلی سے تعلق رکھنے والے رحمت اللہ کی ضمانت کی درخواست مسترد کر دی ہے، جو حال ہی میں کلاس رومز میں حجاب پہننے پر فیصلہ سنانے والے کرناٹک ہائی کورٹ کے ججوں کی جان کو مبینہ طور پر خطرے میں ڈالنے کے الزام میں عدالتی حراست میں ہے۔ سٹی ...

اب کارڈ کے بغیر بھی اے ٹی ایم سے رقم نکالنا ہوا ممکن

آر بی آئی نے نیا اصول نافذ کر دیا ہے۔ اگر آپ کے پاس بینک کارڈ نہیں ہے اور آپ اے ٹی ایم سے رقم نکالنا چاہتے ہیں، تب بھی نکال سکتے ہیں۔ آر بی آئی نے تمام بینکوں سے کہا ہے کہ وہ کارڈ استعمال کیے بغیر رقم نکالنے کی سہولت فراہم کریں۔ تاہم،ایس بی آئی سمیت کچھ منتخب بینک پہلے ہی یہ سہولت ...