نئے سال کی پارٹی میں خواتین کو گولی مارنے کے معاملے میں جے ڈی یو کے سابق ممبر اسمبلی گرفتار

Source: S.O. News Service | By Shahid Mukhtesar | Published on 3rd January 2019, 8:51 AM | ملکی خبریں |

نئی دہلی،3 جنوری (ایس او نیوز؍آئی این ایس انڈیا) دہلی قومی دارالحکومت علاقہ کے فتح پور بیری علاقے کے مانڈی گاؤں کے فارم ہاؤس میں فائرنگ کے معاملے میں جے ڈی یو کے سابق ممبر اسمبلی راجو سنگھ اور اس کے ڈرائیور ہری سنگھ کو یوپی میں گورکھپور کے پاس کشی نگر سے پکڑا گیا۔

بتایا جاتا ہے کہ نئے سال کی پارٹی کے دوران راجو سنگھ اور ہری سنگھ دونوں فائرنگ کر رہے تھے۔ڈرائیور رائفل سے فائر کر رہا تھا اور راجو سنگھ پستول چلا رہا تھا۔آٹھ سے 10 راؤنڈ فائرنگ کی گئی۔ خاتون کو جو گولی لگی ہے وہ22 بور والی ہے، جو راجو سنگھ چلا رہا تھا۔ فائرنگ کے بعد پارٹی میں موجود کسی بھی شخص نے پولیس کو فون نہیں کیا۔جب خاتون کو وسنت کنج کے فورٹس اسپتال میں داخل کرایا گیا تب اسپتال کی جانب سے فون آیا۔اس معاملے میں سابق ممبر اسمبلی کی بیوی کو بھی گرفتار کیا جائے گا، جس نے ثبوت مٹانے میں مدد کی تھی۔خون صاف کرنے میں راجو سنگھ کی بیوی، نوکر اور ڈرائیور کی مدد کی تھی۔

سابق ممبر اسمبلی کی بیوی بہار سے ایم ایل سی رہ چکی ہے۔سب کو گرفتار کیا جائے گا۔نئے سال کی پارٹی میں تقریبا 70 لوگ تھے۔کسی ایک شخص نے سابق ممبر اسمبلی سے کہا بھی تھا کہ آپ کی عادت ہے فائرنگ کرنے کی، بتا دینا ہم سائڈ ہو جائیں گے۔اس کے بعد لوگ رقص کرنے لگے۔اسی دوران راجو سنگھ نے گولی چلا دی اور خاتون کو لگ گئی۔سابق ممبر اسمبلی پر پہلے سے قتل اور قتل کی کوشش کے پانچ کیس درج ہیں۔وہ ہر خاص موقع پر فائرنگ کرتا ہے۔اس سے ایک پستول، دو رائفل اورتقریباً 800 کارتوس برآمد ہوئے ہیں۔ راجو سنگھ تین بار ایم ایل اے رہ چکا ہے۔پولیس نے ڈرائیور ہری سنگھ اور گھریلو ملازم رامیدر سنگھ کو بھی گرفتار کیا ہے۔مانڈی گاؤں کے فارم ہاؤس میں نئے سال کی پارٹی کے دوران خاتون ارچنا گپتا کو گولی لگی تھی۔واقعہ کے بعد ملزم جے ڈی یو کے سابق ممبر اسمبلی راجو سنگھ فرار ہو گیا تھا۔گولی ارچنا کے سر میں لگی۔اسکو وسنت کنج کے فورٹس اسپتال میں داخل کرایا گیا۔ارچنا کا علاج جاری ہے۔

ایک نظر اس پر بھی

اداکارہ پائل روہتگی کو پولیس نے حراست میں لیا، نہرو خاندان پر قابل اعتراض تبصرہ کرنے کا تھا الزام

بالی ووڈ اداکارہ پائل روہتگی کو راجستھان کی بوندی پولیس نے حراست میں لے لیا ہے۔پائل روہتگی کو سابق وزیر اعظم پنڈت جواہر لال نہرو پر قابل اعتراض تبصرہ کے لئے حراست میں لیا گیا ہے۔

فاروق عبداللہ کو حراست میں لینا شرمناک، فوراً رہا کیے جائیں: اسٹالن

 دراوڑ منتر كشگم (ڈی ایم کے) سربراہ ایم کے اسٹالن نے جموں و کشمیر کے سابق وزیر اعلی فاروق عبداللہ کو پبلک سیفٹی قانون (پی ایس اے) کے تحت حراست میں لئے جانے کو آئینی اقدار اور جمہوری روایات کے لئے شرمناک قرار دیتے ہوئے ان کی فوری طور پر رہائی کا مطالبہ کیا ہے۔

حیدرآباد انکاؤنٹر: سپریم کورٹ کا تشکیل شدہ کمیشن آئندہ ہفتہ دورہ کرے گا

 حیدرآباد کے سائبر آباد پولس کمشنریٹ کی حدود میں 26 سالہ وٹرنری ڈاکٹر کی اجتماعی عصمت دری کے بعد اس کے قتل اور لاش کو جلا دینے کی واردات میں ملوث ملزمین کی انکاونٹر میں ہلاکت کی جانچ کے لئے سپریم کورٹ کی جانب سے تشکیل دیا گیا کمیشن آئندہ ہفتہ حیدرآباد کا دورہ کرے گا۔