بی جے پی حکومت کے خلاف بھاسکر راؤ کا بیان؛ مجھ سے کہا گیا تھا کہ بی جے پی میں شامل ہونے پر پریشان نہیں کیا جائے گا

Source: S.O. News Service | Published on 25th August 2022, 11:48 AM | ریاستی خبریں |

بنگلورو، 25؍اگست (ایس او نیوز)  عام آدمی پارٹی کے لیڈرشہر کے سابق پولیس کمشنر بھاسکر راؤ نے ریاست کی بی جے پی حکومت کے بڑے لیڈروں کے بارے میں ایک کھلا بیان دیا ہے کہ بی جے پی لیڈروں اور وزراء نے ان سے کہا تھا کہ وظیفہ یابی کے بعد وہ عام آدمی پارٹی کے بدلے اگر بی جے پی میں شامل ہوگئے تو انہیں پریشان نہیں کیا جائیگا۔

بھاسکر راؤ نے پولیس سرویس سے استعفیٰ دیکر  عام آدمی پارٹی میں شمولیت اختیار کر لی ہے اور انہیں عام آدمی پارٹی نے ریاستی یونٹ کے نائب صدر کا عہدہ دیا ہے۔ بھاسکر راؤ نے شہر کے پولیس کمشنر کی حیثیت سے بہترین خدمات انجام دی تھی لیکن مہلک وبا کورونا وائرس کے دوران حکومت کی نااہلی سے نالاں ہو کر انہوں نے حکومت پر تنقید کی تو انہیں پولیس کمشنر کے عہدہ سے ہٹا کر دوسرا   عہدہ دیا گیا تھا۔ جسے قبول کئے بغیر انہوں نے پولیس سرویس سے استعفیٰ  دیکر  عام آدمی پارٹی میں شمولیت اختیار کر لی تھی۔ 

بھاسکر راؤ نے باگل کوٹ میں طلب کردہ عام آدمی پارٹی کی پریس کانفرنس کے دوران کہا ہے کہ جب انہوں نے پولیس سرویس سے استعفیٰ دیا تو ایک سال تک ان کا استعفیٰ قبول نہیں کیا گیا تھا وہ اس کوشش میں تھے کہ ان کی کوئی کوتاہی کا پتہ لگا کر انہیں پریشان کیا جائے لیکن انہیں ایسا کوئی ثبوت حاصل نہیں ہوا۔ 

بھاسکر راؤ نے کہا کہ ملک پر 70 سال حکومت کر کے کانگریس نے ملک کو جتنا لوٹا اس سے کہیں زیادہ بی جے پی نے اپنی 7 سالہ حکومت میں ملک کو برباد کیا ہے اور اس کے علاوہ 7  برسوں میں ہی انہوں نے عوام کے اندر خوف اور غیر یقینی حالات کا خوف طاری کردیا ہے۔ 

بھاسکر راؤ نے بتایا کہ انہوں نے آئی پی ایس سرویس سے 2021 میں 16 ستمبر کو ہی اپنا استعفیٰ نامہ روانہ کردیا تھا۔ 2اپریل کو سرویس چھوڑ کر انہوں نے آل انڈیا سرویس رول کے تحت اپنی وظیفہ یابی کی رقم روانہ کرنے کی درخواستیں داخل کی تھی۔ 15 مرتبہ زبانی طور پر اور 4 مرتبہ تحریری طور پر بھی یہ درخواست داخل کی لیکن اب تک بھی وظیفہ یابی کے بعد کی رقم ادا نہیں کی گئی ہے۔ بی جے پی نے غیر راست طور پر پیغام بھی روانہ کیا تھا کہ اگر وہ بی جے پی میں شامل ہونگے تو انہیں پریشان نہیں کیا جائے گا۔ 

بھاسکر راؤ نے کہا کہ آئی پی ایس اورآئی اے ایس کے اور کئی افسران ہیں جو اس حکومت سے نالاں ہیں اور نوکری چھوڑنا چاہتے ہیں مگر وہ مجبور ہیں۔ 

ایک نظر اس پر بھی

منگلورو:کانگریس لیڈر رماناتھ رائے نے کہا؛ سی ٹی روی کے بیان نے بی جےپی کو ننگا کردیا ہے

بی جے پی میں راؤڈی شیٹر وں کی شمولیت کی حمایت میں سی ٹی روی نے جو بیان دیا ہے، اُس بیان نے بی جے پی کو ننگاکردیا ہے۔ ان خیالات کا اظہار  سابق وزیر  اور کے پی سی سی کے نائب صدر بی ، رماناتھ رائی  نے کیا۔

مہاراشٹر-کرناٹک سرحد تنازعہ میں شدت، بیلگاوی میں مہاراشٹر کے ٹرکوں پر پتھراؤ، حالات کشیدہ

کرناٹک اور مہاراشٹر کے درمیان جاری سرحد تنازعہ نے بیلگاوی علاقہ میں حالات کو کشیدہ کر دیا ہے۔ سرحدی علاقہ بیلگاوی میں تشدد کے واقعات پیش آ رہے ہیں اور منگل کے روز تو بیلگاوی کے باگیواڑی میں شدید احتجاجی مظاہرہ دیکھنے کو ملا۔ اس دوران کرناٹک رکشن ویدیکے سے جڑے کارکنان نے ...

’مہاراشٹر کے وزراء نے بیلگاوی میں قدم رکھا تو ہوگی قانونی کارروائی‘، کرناٹک کے وزیر اعلیٰ بسوراج بومئی نے کیا متنبہ

مہاراشٹر اور کرناٹک کے درمیان سرحدی تنازعہ کو لے کر بیان بازی لگاتار بڑھتی جا رہی ہے۔ تازہ بیان کرناٹک کے وزیر اعلیٰ بسوراج بومئی کا سامنے آیا ہے جس میں انھوں نے مہاراشٹر حکومت کو متنبہ کرتے ہوئے کہا ہے کہ اگر ان کے وزراء نے کرناٹک کے بیلگاوی میں قدم رکھنے کی کوشش کی تو ان کے ...

منڈیا : مالا دھاری بھکتوں نے لگائے سری رنگا پٹن جامع مسجد کو ہنومان مندر بنانے کے نعرے - مسجد میں گھسنے کی کوشش پولیس نے کر دی ناکام  

زعفرانی جھنڈے اٹھائے ہوئے ہزاروں  مالا دھاری ہنومان بھکتوں کا جلوس 'سیکیرتھنا یاترا' کی شکل میں ہنومان مندر کی طرف جاتے ہوئے جب تاریخی سری رنگا پٹن جامع مسجد کے سامنے پہنچا تو نوجوان بھکتوں نے اچانک اشتعال انگیزی شروع کر دی اور جامع مسجد کو ہنومان مندر میں بدلنے کے نعرے لگانے ...

مرکزی حکومت کی طرف سے دلت، پسماندہ اور اقلیتی طلباء کا اسکالرشپ ختم کیا جانا انہیں تعلیمی حقوق سے بتدریج محروم کرنے کی حکمت عملی ہے: ایس ڈ ی پی آئی

سوشیل ڈیموکریٹک پارٹی آف انڈیا کرناٹک کے ریاستی صدر عبدالمجید نے اپنے جاری کردہ اخباری بیان میں کہا ہے کہ مرکزی حکومت کی طرف سے تعلیمی سال 23۔2022سے ایس سی، ایس ٹی، پسماندہ طبقات، اور اقلیتی برادریوں سے تعلق رکھنے والے پہلی سے آٹھویں جماعت کے تمام طلباء کو کوئی اسکالرشپ ختم ...