کاروار7/نومبر(ایس او نیوز)ریاستی حکومت نے نئے تعلقہ جات کی تشکیل تقریباً ایک سال پہلے ہی کردی تھی۔ اب نئے تعلقہ پنچایتوں کی تشکیل کا حکم نامہ جاری کردیا گیا ہے۔

 تازہ نوٹی فکیشن کے مطابق نئے ڈانڈیلی تعلقہ پنچایت میں ہلیال کے 30اورجوئیڈا کے ایک گاؤں کو شامل کرلیا گیاہے۔یہ 31گاؤں جن دیگر تعلقہ پنچایتوں میں شامل تھے وہاں سے ان کو الگ کرکے نئے ڈانڈیلی تعلقہ پنچایت کے ساتھ جوڑدیا گیا ہے۔موجودہ تعلقہ پنچایت کے سی ای او کو ذمہ داری دی گئی ہے کہ دستیاب فنڈ کو نئے تعلقہ پنچایت کے علاقے اور آبادی کی بنیاد پردونوں تعلقہ پنچایتوں میں نصف حصے میں تقسیم کرے۔

 سرکاری نوٹی فکیشن میں بتایا گیا ہے کہ کرناٹکا گرام سوراج اورپنچایت راج قانون کے تحت پرانے گرام پنچایتوں سے تعلقہ پنچایت کے لئے چنے گئے اراکین میں نئے تعلقہ پنچایت میں شامل کیے گئے پورے علاقے یا بڑے علاقے کے اراکین نمائندگی کریں گے۔