مہاراشٹر: سیاسی ہلچل کے درمیان این سی پی کا بڑا بیان، کہا ہم اختیاری حکومت دینے کیلئے تیار
ممبئی،10نومبر(ایس او نیوز/آئی این ایس انڈیا) مہاراشٹر میں انتخابی نتائج کے حکومت بنانے کا وقت نکل چکا ہے۔گورنر نے بی جے پی کو حکومت بنانے کی دعوت دی ہے۔دیویندر فڑنویس کو پیر کی رات آٹھ بجے تک اکثریت ثابت کرنا ہے۔شیوسینا کی ناراضگی کے سبب بی جے پی سب سے بڑی پارٹی ہونے کے باوجود اکثریت کے لئے ضروری نمبروں سے کافی دور ہے۔وہیں شیوسینا اور این سی پی دونوں ایک دوسرے پر ڈورے تو ڈال رہے ہیں لیکن حمایت لینے اور دینے کے لئے آگے نہیں آ رہے ہیں۔این سی پی کے لیڈر نواب ملک نے آج حکومت بنانے کا دعوی پیش کرنے کے سوال پر بڑا بڑھ بیان دیا۔انہوں نے کہا کہ اگر بی جے پی حکومت نہیں بنا پاتی ہے تو این سی پی اختیاری حکومت دینے کے لئے تیار ہے۔نواب ملک نے کہاکہ ملند دیوڑا جی کا ٹویٹ دیکھ کر تعجب ہو رہا ہے۔مہاراشٹر میں شیوسینا دوسری سب سے بڑی پارٹی ہے اگر وہ بھی تیار نہیں ہوتی تو ہم تیسرے نمبر کی پارٹیاں ہیں،ہمیں حکومت بنانے کے لئے بلایا جائے گا ایسا ہمیں نہیں لگتا۔شیوسینا کو اگر حکومت بنانے کا موقع ملتا ہے تب کانگریس۔ این سی پی ساتھ بیٹھ کر فیصلہ کریں گے۔