مینگلور18/ جنوری (ایس او نیوز)  مینگلور سے 60؛ کلو میٹر دور ضلع دکشن کنڑا کے بیلتنگڈی ٹاون پنچایت عمارت میں واقع وارتھا بھون میں دکانوں کے آگے لگا  ٹِن شیٹس کا چھپرا گرنے کی وجہ سے دو مزدور زخمی ہوگئے ۔

مقامی لوگوں کا کہنا ہے کہ انہوں نے ٹاون پنچایت والوں کو زبانی طور پر آگاہ کردیا تھا کہ     کے ایس آر ٹی سی بس اسٹینڈ کے پاس موجود وارتھا بھون کا چھپرا گرنے کے قریب  ہے ۔ مگر ٹاون پنچایت کے ذمہ داران نے کوئی توجہ نہیں دی ۔ 

    آج جب اس عمارت میں مرمت کا کام چل رہا تھا تو لوہے کے فریم پر ٹکا ہوا چھپرا ٹوٹ کر گر گیا اور اس کی زد میں آنے سے دو مزدور زخمی ہوگئے جنہیں علاج کے لئے بیلتنگڈی گورنمنٹ اسپتال میں داخل کیا گیا ہے ۔