بیلگام:31؍اکتوبر(ایس اؤ نیوز)بھارتی فوج کے 40 مختلف عہدوں پر تقرری  کے لئے شہر کے نیشنل آرمی اسکول میدان میں بدھ کو بھارتی فوج کی جانب سے فوج میں بھرتی کے لئے منعقدہ  ریلی میں  12ریاستوں سے لاکھوں امیدواروں اور خواہش مند وں  کا ریلا امڈ آنے سے حالات ہنگامہ خیز ہونے کا واقعہ پیش آیا ہے۔

بھارتی فورج کے علاقائی فوج (ٹریٹروئیل آرمی ) کے 40عہدوں پر تقرری کا اعلامیہ ویب سائٹ پر شائع کیا گیا تھا لیکن کسی کو اندازا نہیں تھا کہ امیدواروں کا سیلاب آئے گا۔ اعلامیہ کے مطابق 31اکتوبر کو راجستھان ، یکم نومبر کو گجرات، گوا، دادر ، نگر حویلی ، دمن اور دیو ، 2نومبر کو آندھراپردیش ، تلنگانہ ، 3نومبر کو تمل ناڈو ،لکش دیپ ، پانڈیچری ،4نومبر کو کرناٹکا، کیرلا کے اسامیوں کی بھرتی کے لئے ریلیاں ہونگی ۔ متعلقہ عہدوں میں کچھ ٹریڈ مین کے عہدے ہیں جنہیں نومبر 5سے 12نومبر تک بھرتی ریلی ہونےکی جانکاری ہے۔

افسران پریشان: بیلگام کے متعلقہ فوج بھرتی  میدان  پر نظر ڈالیں تو جہاں دیکھو وہاں  اسامیوں  کا سمندر تھا،ذرائع کے مطابق صرف مہاراشٹرا سے ہی 25ہزار سے زائد خواہش مند پہنچے تھے۔ منگل کی رات ہی  فوج میں بھرتی کا خواب لے کر پہنچے امیدوار میدان کے اطراف سوئے ہوئے تھے۔ صبح 6بجے جیسے ہی بھرتی ریلی کی شروعات ہوئی ، دھکادھکی، ریل پیل  ہونے لگی تو افسران اور پولس مشترکہ طورپر ہنگامہ کو قابو کرنے کے لئے کوشش کی ، مگر جب قابومیں لانا ممکن نہیں ہونے لگاتو افسران پریشان  ہوئے اور لاٹھی گھمانا شروع کردیا ، جس کی وجہ سے کئی امیدوار زخمی ہوئے  تو بعض ایک ریلی سے بیزار ہوکر لوٹنے لگے۔ ریلی کے دورا ن سب سے پہلے امیدوارو ں کی اونچائی دیکھی گئی پھر اس کے بعد انہیں دوڑ میں شریک ہونے کہاگیا ا س کے بعد مختلف ٹسٹ ہونے کی جانکاری دی گئی ہے۔

بھرتی ریلی کےلئے آن لائن عرضیاں مطلوب تھیں۔ ریلی میں شرکت کے لئے آئے امیدواروں کو وہیں جائے وقوع پر ہی عرضی پُر کرنے کا موقع فراہم کیا گیا تھا۔ ویب سائٹ پر 40مختلف عہدوں کے متعلق تفصیلات دی گئی تھیں، مگر عین لاکھوں کی  تعداد میں امیدوار میدان پہنچے ۔ افسران کا کہنا ہے  کہ  ایسا  تاریخ میں پہلی مرتبہ ہواہے۔