انکولہ   :4/ اگست (ایس اؤ نیوز)   انکولہ کے سمندرمیں مچھلی شکار کے لئے لوٹی ماہی گیر کشتی طوفانی لہروں کی لپیٹ میں آکر ڈوبنے لگی تو کشی میں موجود 5ماہی گیر وں کی جان خطرے میں دیکھ کر دوسری کشتی کے 2ماہی گیروں نے اپنی کشتیوں سمیت سمندر میں جائے وقوع پہنچ کر 5ماہی گیروں کی جان بچا ئی اور انہیں بحفاظت ساحل پر لانے میں کامیاب ہونے کا واقعہ انکولہ تعلقہ بیلمبار اور شیڈکولی ساحل پر سنیچر کو پیش آیا ہے۔

موصولہ اطلاعات کے مطابق اپنی ماہی گیر کشتی کے ذریعے 5ماہی گیر سمندرمیں مچھلی شکار کے لئے گئے تھے، گہرے سمندر میں کشتی پہنچنے کے بعد طوفانی لہروں  سے توازن کھو کر ڈوبنے لگی۔ اسی دوران2ماہی گیروں نے کشتی کو ڈوبتے دیکھاتو ماہی گیروں کی مدد کے لئے پہنچے ۔ تکار ام وٹھل کھاروی اور سنتوش دھاکو کھاروی نامی ماہی گیروں نے ہمت و حوصلہ سے کام لیتے ہوئے ڈوبتی کشتی کے قریب پہنچ کر 5ماہی گیروں کی جان بچائی اور عافیت کے ساتھ انہیں ساحل پر لے آئے۔البتہ ماہی گیر کشتی سمندر کے حوالے ہونے کی بات کہی جارہی ہے۔ لاکھوں کے نقصان کا اندازہ لگایا گیا ہے۔  ساحلی تحفظ دستے کی پولس جائے وقوع پہنچ کر حالات کا جائزہ لیا۔ انکولہ پولس تھانے میں کیس درج ہواہے۔