کاسرگوڈ میں کشتی اُلٹ گئی؛ ایک ماہی گیر سمندر میں غرق ہوکر جاں بحق، تین کنارے تک پہنچنے میں کامیاب

Source: S.O. News Service | By I.G. Bhatkali | Published on 23rd August 2020, 12:00 AM | ساحلی خبریں | ان خبروں کو پڑھنا مت بھولئے |

مینگلور  22 اگست (ایس او نیوز) پڑوسی کیرالہ کے سرحدی ضلع کاسرگوڈ میں ایک ماہی گیر سمندر میں غرق ہوکر جاں بحق ہوگیا جبکہ دیگر تین واپس کنارے تک پہنچنے میں کامیاب ہوگئے حادثہ سنیچر کو پیرومبالا بریج کے قریب  چندراگیری میں  اُس وقت  پیش آیا  جب ان کی کشتی سمندر میں اُلٹ گئی۔

ذرائع سے ملی اطلاع کے مطابق مرنے والے کی شناخت نیاز (23) کی حیثیت سے کی گئی ہے جو ضلع کاسرگوڈ کے چیرووڈوکل، پیرومبالا کا رہنے والا تھا۔

بتایا گیا ہے کہ  چار ماہی گیر ایک کشتی پر سوار مچھلیوں کا شکار کرکے واپس لوٹ رہے تھے  جس کے دوران یہ حادثہ پیش آیا جس میں دیگر تین ماہی گیر تیرتے ہوئے کنارے تک پہنچنے میں کامیاب ہوگئے۔ بتایا جارہا ہے کہ غالباً ان کی کشتی  پیرومبالا بریج سے ٹکرا کر اُلٹ گئی تھی جس کے نتیجے میں چاروں ندی میں گرگئے تھے۔ کشتی اُلٹنے کے کچھ ہی دیر میں تین ماہی گیر کنارے تک پہنچنے میں کامیاب ہوگئے مگر نیاز ندی میں غرق ہوکر لاپتہ ہوگیا،  فائر بریگیڈ  عملہ سمیت مقامی لوگوں نے نیاز کی  تلاش شروع کردی جس  کے بعد اس کی نعش برآمد کرلی گئی۔

حادثے کی اطلاع ملتے  ہی ودیا نگر پولس جائے وقوع پر پہنچی۔ نعش کو پوسٹ مارٹم کے لئے کاسرگوڈ جنرل اسپتال منتقل کیا گیا ہے۔ 

ایک نظر اس پر بھی

بھٹکل میں محکمہ جنگلات کے دفتر کے باہر اتی کرم داروں نے کیا احتجاجی مظاہرہ

بھٹکل تعلقہ کے جالی پنچایت، ہیبلے پنچایت اور دوسرے علاقوں میں کل محکمہ جنگلات کےافسران اور عملے نے اتی کرم  جگہوں پر تعمیرات روکنے اور قبضہ خالی کروانے کی جو مہم چلائی تھی اس کے خلاف بھٹکل محکمہ جنگلات کے دفتر کےسامنے اتی کرم داروں نے احتجاجی مظاہرہ کیا۔

کاروار میونسپالٹی صدر ،نائب صدر انتخاب: بی جے پی امیدواروں کی حمایت کریں گے جنتادل اور آزاد اراکین !

کاروار سٹی میونسپل کاؤنسل (سی ایم سی ) کے لئے صدر اور نائب صدر کا انتخاب یکم نومبر کو منعقد ہونے والا ہے  اور  4جنتادل ایس کےاور2  آزاد اراکین  کی طرف سے ان عہدوں پر بی جے پی امیدواروں کو باہر سے حمایت دینے کا اعلان کیا گیا ہے۔