بھٹکل بندر سمندر میں گرکر ماہی گیر ہلاک؛ مسلم نوجوانوں نے باہر نکالی نعش

Source: S.O. News Service | By I.G. Bhatkali | Published on 8th March 2019, 2:04 PM | ساحلی خبریں |

بھٹکل 7/مارچ (ایس او نیوز) یہاں بندر  میں ایک ماہی گیر ایک بوٹ سے دوسری بوٹ  پر  پھلانگنے  کے دوران توازن بگڑنے سے سمندر میں جاگرا اور غرق ہوکر ہلاک ہوگیا۔ ماہی گیر کی شناخت کائیکنی کے رہنے والے اُودے نارائن نائک (45) کی حیثیت سے کی گئی ہے۔

اطلاع کے مطابق تین بچوں کا باپ اودے نائک گذشتہ دو سالوں سے انند منجو کھاروی کی بوٹ پر ملازمت کرتا تھا، جمعرات صبح بارہ بجے وہ اپنی بوٹ سے دوسری بوٹ پر جمپ لگارہا تھا کہ  اچانک سمندر میں گر گیا اور غرقاب ہوگیا۔ 

واقعے کی اطلاع ملتے ہی قریبی علاقہ مخدوم کالونی اور ڈونگرپلی کے نوجوان فوری جائے وقوع پر پہنچ گئے اورسمندر میں اس کی تلاش شروع کردی، قریب دو گھنٹوں کی مشقت کے بعد اُس کی نعش سمندر سے باہر نکالی گئی , پھر پوسٹ مارٹم کے لئے سرکاری اسپتال منتقل کردی گئی۔

بھٹکل مضافاتی پولس تھانہ مٰیں اس تعلق سے معاملہ درج کیا گیا ہے اور پولس مزید چھان بین کررہی ہے۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...