بھٹکل:29؍اکتوبر(ایس اؤ نیوز)مچھلی لوڈ ایک منی لاری توازن کھو کر پلٹنے کے نتیجے میں ڈرائیورزخمی ہوکر اسپتال میں زیر علاج ہونے کا واقعہ منگل کی صبح مرڈیشور کے بستی مکی کے قریب پیش آیا ہے۔
حادثے میں زخمی ہونے والے ڈرائیور کی شناخت اوپوند ا کے راجو موگویر بتائی گئی ہے۔ مرڈیشور کے پرائیویٹ اسپتال میں ابتدائی علاج کے بعد زائد علاج کے لئے کنداپور روانہ کیاگیا ہے۔ موصولہ اطلاعات کے مطابق منی لاری مچھلی لے کر اوپوندا سے ہوناور کی طرف روانہ تھی ۔ پلٹا کھائی لاری میں لدی ہوئی مچھلیاں سڑک پر بکھری پڑی ہوئی تھیں جنہیں بعد میں سمیٹ کر ایک دوسری لاری کے ذریعے روانہ کیاگیا ۔ مرڈیشور پولس جائے وقوع پہنچ کر معائنہ کیا، جانچ جاری ہے۔