گوا میں کورونا سے پہلی موت، مدھیہ پردیش کے اندور میں 201 افراد ہلاک

Source: S.O. News Service | Published on 22nd June 2020, 1:10 PM | ملکی خبریں | ان خبروں کو پڑھنا مت بھولئے |

پنجی،22؍جون (ایس او نیوز؍ایجنسی)  گوا میں جان لیوا کورونا وائرس کے انفیکشن سے پہلی موت ہوئی ہے۔ ریاست کے وزیرصحت وشوجیت رانے نے پیر کو یہ اطلاع دی۔ وشوجیت رانے نے بتایا کہ کورونا متاثر 85 سالہ بزرگ خاتون کی موت ہوئی ہے۔ مورلیم کی رہنے والی یہ خاتون انفیکشن کے علاج کے لئے اسپتال میں داخل تھیں۔ وزیر صحت نے ریاست کے شہریوں سے کہا،’’میں سبھی کو یقین دلانا چاہتا ہوں کہ ریاستی حکومت انفیکشن سے لوگوں کو محفوظ رکھنے کے لئے ہرممکن قدم اٹھا رہی ہے۔‘‘ گوا کے صحت ڈائریکٹوریٹ کے اتوار تک کے اعدادو شمار کے مطابق ریاست میں وائرس کے کُل 818 معاملے آچکے ہیں۔ ان میں سے 683 فعال اور135 ٹھیک ہوچکے ہیں۔

وہیں مدھیہ پردیش کے اندور ضلع میں 'کووڈ 19' سے مرنے والوں کی تعداد 201 ہوچکی ہے۔ اسی تسلسل میں متاثرہ افراد کی تعداد 4373 تک پہنچ گئی۔ راحت کی خبر یہ ہے کہ اب تک 3235 متاثرہ افراد ٹھیک ہوکر گھر چلے گئے ہیں، جس کے بعد ضلع اندور میں زیر علاج مریضوں کی تعداد 937 ہے۔ چیف میڈیکل اینڈ ہیلتھ آفیسر (سی ایم ایچ او) ڈاکٹر ایم پی شرما نے کل رات دیر گئے ہیلتھ بلیٹن جاری کیا جس میں کہا گیا ہے کہ گزشتہ روز جانچے گئے 1404 نمونوں میں سے 1355 نگیٹو اور 44 متاثرہ افراد پائے گئے ہیں۔ جبکہ ٹیسٹ کے لئے 1867 نئے نمونے موصول ہوئے ہیں۔ اسی دوران کل 50، 56، 65 اور 85 سال عمر کے چار لوگوں کی سرکاری اموات ریکارڈ ہونے کے بعد ہلاکتوں کی تعداد 201 ہو گئی ہے۔

ایک نظر اس پر بھی

بی جے پی کے ترقی کے دعوے کھوکھلے: مایاوتی

بہوجن سماج پارٹی (بی ایس پی) کی قومی صدر مایاوتی نے جمعرات کے روز بی جے پی کو ہدف تنقید بناتے ہوئے کہا کہ بی جے پی کے ترقی کے وعدے کھوکھلے ہیں اور اس کا پردہ فاش ہو چکا ہے۔

مولانا کلیم صدیقی پر زبردستی مذہب تبدیل کروانے کا الزام بے بنیاد: مولانا ارشد مدنی

مولانا محترم کی گرفتاری پر صدر جمعیۃ علماء ہند مولانا ارشد مدنی نے سخت ردعمل کا اظہارکرتے ہوئے کہا کہ مولانا کلیم صدیقی کی اتر پردیش اے ٹی ایس کی جانب سے گرفتاری کی خبر ملک کے تمام انصاف پسند شہریوں کے لئے باعث تسویش ہے۔

بھٹکل : مہاتماگاندھی گرام سوراجیا پروگرام میں بھٹکل کانگریس عہدیداران کی فہرست جاری : ضلع پنچایت ، تعلقہ پنچایت انتخابات کی تیاریاں

بھٹکل بلاک کانگریس نیند سے بیدار ہونے کا ثبوت دیتے ہوئے بھٹکل اربن بینک ہال میں منعقدہ گرام سوراجیا پروگرام میں پارٹی عہدیداران کی فہرست جاری کرتےہوئے پارٹی کو مضبوط و مستحکم کرنےپر زور دیا ہے۔

مدھیہ پردیش میں قدرت کا قہر، بارش کے درمیان آسمانی بجلی گرنے سے 5 افراد ہلاک

مدھیہ پردیش میں تیز بارش کے ساتھ آسمانی بجلی گرنے سے الگ الگ مقامات پر پانچ لوگوں کی موت ہو گئی ہے۔ ایک خاتون کے آسمانی بجلی کی زد میں آنے سے بری طرح جھلسنے کی خبر بھی موصول ہو رہی ہے۔ یہ حادثے مرینا اور بیتول علاقوں میں پیش آئے ہیں۔

ممبئی کی معذور بہادر بیٹی روشن جواد نے ایم ڈی کے ساتھ ڈاکٹر بن کر ملک و قوم کا نام روشن کیا

ممبئی کے مضافاتی علاقہ جوگیشوری کی رہائشی ڈاکٹر روشن جواد کا بچپن کا خواب تقریباً مکمل ہو چکا ہے، تیرہ سال قبل جب وہ ٹرین حادثے میں اپنی دونوں ٹانگیں کھو بیٹھی تھیں، تب اس کے دل میں یہ خوف پیدا ہو گیا کہ اس کی زندگی رک گئی ہے اور ڈاکٹر بننا مشکل ہو جائے گا، لیکن اپنے عزم و ہمت کی ...

عدلیہ کا وقت ضائع ہونے سے بچانے کے لئے فرضی مقدمہ بازی پر قدغن ضروری: سپریم کورٹ

 سپریم کورٹ نے کہا ہے کہ عدلیہ کے وقت کو ضائع سے روکنے کے لئے فرضی مقدمہ بازی کو ختم کرنا ضروری ہے۔ جسٹس ایل ناگیشور راؤ اور جسٹس بی آر گاوئی کی بنچ نے کہا کہ ایک دیوانی معاملہ کا تصفیہ ایک سخت کارروائی ہے لیکن عدالتیں کسی مقدمہ میں پیشرفت کی اجازت نہیں دے سکتی، اگر وہ کارروائی ...