قابلِ اعتراض گیت ’بھیج دو اُس کو قبرستان‘ کےگلوکار ورون اپادھیائے گرفتار

Source: S.O. News Service | By Shahid Mukhtesar | Published on 27th July 2019, 12:24 PM | ملکی خبریں | ان خبروں کو پڑھنا مت بھولئے |

لکھنؤ،27؍جولائی (ایس او نیوز؍یو این آئی)  قابل اعتراض گیت ’بھیجو قبرستان‘ کو یو ٹیوب پر پوسٹ کرنے والے گلوکار ورون بہار (ورون اپادھیائے) کو جمعہ کے روز اتر پردیش کے گونڈا ضلع میں گرفتار کر لیا گیا ہے۔ ورون بہار کا یہ گانا انتہائی قابل اعتراض ہے اور گانے کی ہر ذی شعور شخص نے مذمت کی تھی۔ گانے میں جے شری رام نہ بولنے والوں کو قبرستان بھیجنے کی بات کی گئی ہے۔

پولس نے ورون بہار کو سوشل میڈیا پر قابل اعتراض اور فحش مواد اپلوڈ کرنے کے الزام میں منکاپور کے بندراہ گاؤں سے علی الصبح 3 بجے گرفتار کیا۔ اس نے گانے میں ’جو نہ بولے جے شری رام، بھیج دو اس کو قبرستان‘ جیسی اشتعال انگیز زبان کا استعمال کیا ہے۔

واضح رہے کہ سوشل میڈیا پر وائرل ہو رہے اس قابل اعتراض گانے کو لے کر گلوکار ورون اپادھیائے کے خلاف لکھنؤ کے حضرت گنج پولس تھانہ میں معاملہ درج کیا گیا تھا۔ اس گانے کے خلاف دہلی سمیت کئی اور شہروں میں بھی ایف آئی آر درج ہونے کی اطلاعات موصول ہو رہی ہیں۔ گلوکار یو ٹیوب چینل پر فحش اور قابل اعتراض گانے اپلوڈ کرنے کے لئے مشہور ہے۔ اس سے پہلے بھی کے خلاف فحش گانے کی وجہ سے ایف آئی آر درج کی گئی ہے۔

میڈیا رپورٹوں کے مطابق ورون کو اب اپنی غلطی کا احساس ہو رہا ہے اور اس کا کہنا ہے کہ اس نے گانا جذبات کی رو میں بہہ کر گا دیا، کسی مذہب کی بے حرمتی کرنے کا اس کا ارادہ نہیں ہے۔ ورون نے کہا، ’’گیت اس کے دوست سنتوش یادو نے لکھا ہے۔ جب میں لکھنؤ کی میوزک کمپنی ’جنتا میوزک‘ کے اسٹوڈیو گیا تو ’بھیج دو پاکستان‘ کی جگہ ’بھیج دو قبرستان‘ کر دیا گیا۔‘‘

ایک نظر اس پر بھی

ممتا بنرجی کا پی ایم مودی پر حملہ، موجودہ وقت کو ’سپر ایمرجنسی‘ کا دور قرار دیا

مغربی بنگال کی وزیر اعلی ممتا بنرجی نے عالمی یوم جمہوریت کے موقع پر اتوار کو مرکز کی نریندر مودی حکومت پر شدید حملہ کرتے ہوئے کہا کہ ’سپر ایمرجنسی‘ کے اس دور میں لوگوں کو ان کے حقوق اور آزادی کی حفاظت کے لئے ہر ممکن کوشش کرنی چاہیے۔

سنگھ پریوار زبان کے نام پر لوگوں کو تقسیم کرنے پر آمادہ: وزیر اعلی پنارائی وجين

کیرالہ کے وزیر اعلی پنارائی وجين نے ہندی زبان پر مرکزی وزیر داخلہ امت شاہ کے بیان پر نکتہ چینی کرتے ہوئے اتوار کو کہا کہ سنگھ پریوار نے زبان کے نام پر لوگوں کو تقسیم کرنے کے لئے ایک نئی جنگ کا میدان تیار کر دیا ہے۔

بھٹکل کُندا جزیرہ کے قریب بوٹ ڈوب گئی؛ پانچ ماہی گیروں کو بچالیا گیا

بحرعرب کے کُندا جزیرہ کے قریب ایک ماہی گیری بوٹ ڈوب جانے سے لاکھوں مالیت کا نقصان ہوا ہے، البتہ بوٹ پر سوار پانچوں ماہی گیروں کو ایک دوسری بوٹ کی مدد سے بچالیا گیا ہے۔ واردات اتوار کی شام کو پیش آئی ہے۔

بھٹکل مسلم جماعت بحرین کا سالانہ جلسہ اور عام انتخابات؛ بیلٹ پیپر کے ذریعے 12 اراکین منتخب؛ پیر کو ہوگا عہدیداران کا انتخاب

بھٹکل مسلم جماعت کا سالانہ جلسہ اور عام انتخابات مورخہ 10 ستمبر کوبحرین کے فارم ہاوس میں منعقد ہوا جس میں 12 اراکین انتظامیہ کا انتخاب عمل میں آیا۔  انتخابات کے لئے جناب محمد شکیل مصباح صاحب کو الیکشن کمشنر کی ذمہ داری سونپی گئی تھی جنہوں نے نہایت ہی حسن خوبی کے ساتھ اپنے فرائض ...

بھٹکل میں ٹریفک جرمانہ سے بچاؤ کے لئے واٹس ایپ گروپ کا استعمال:نوجوان لڑکوں کی نئی نئی سوچ

ئے ٹرافک اصول اور عائد کئے جانےو الے جرمانےسے  اگر کوئی زیادہ پریشان یا سرخراب کیا ہےتو وہ تعلقہ کے نوجوان لڑکے ہیں ،جب اپنے روزانہ اخراجات کے لئے ہی اُن کے پاس  پیسے نہیں رہتے ہیں، جیب خالی خالی رہتی ہے ایسے میں ہزاروں روپئے کا جرمانہ عائد کیا جائے گا تو  بائک سوارمشکل میں ...