شیوسینا کے 8 کارکنوں کے خلاف ایف آئی آر داخل
بیلگاوی، 25؍ جنوری (ایس او نیوز) بیلگاوی سرحدی گاؤں میں بھگو ا جھنڈا لہرانے کی کوشش کرتے ہوئے غنڈہ گردی کا مظاہرہ کرنے والے شیو سینا کے رہنماؤں اور کارکنوں کے خلاف بیلگاوی سٹی پولیس نے قانونی کارروائی کی ہے۔
بیلگاوی تعلقہ کے کونے واڑی سرحدی گاؤں کے اندر گھس کر بھگوا جھنڈا لہرا کر اشتعال انگیز کرنے کے الزام میں کالہاپور کے شیو سینا صدر وجئے داو نے سمیت 8 کارکنوں کے خلاف کاکتی پولیس اسٹیشن میں ایف آئی آر درج کیا گیا ہے۔
بیلگاوی کے دپٹی پولیس سپرنٹندنٹ وکرم اوٹی نے بتایا کہ امتناعی احکامات نافذ رہنے کے باوجود شیو سینا کارکنوں نے بھگوا جھنڈا لہرا کر انٹرنیٹ پر اشتعال انگیزی کا مظاہرہ کیا۔ انہوں نے کہا کہ لسانی ہم آہنگی کو دھکہ پہنچا نے کی وجہ سے 8 ؍افراد کے خلاف ایف آئی آر درج کیا گیا ہے۔
یادر رہے کہ بیلگاوی سٹی کارپوریشن دفتر کے سامنے لہراے گئے کنڑا پرچم کو نکالنے کا مطالبہ کرتے ہوئے 21؍ جنوری کو شیوسینا اور ایم ای ایس کارکنوں نے بیلگاوی کے اندر داخل ہونے کی کوشش کی جسے پولیس نے ناکام بنادیا۔ اس کے باوجود پولیس کو چکمہ دے کر شیوسینا کارکنوں نے کونے واڑی گاؤں میں داخل ہو کر بھگوا جھنڈا لہرایا ۔