یوگی آدتیہ ناتھ اور موہن بھاگوت پر تبصرہ کرنا ہارڈ کور کو بھاری بڑا، ایف آئی آر درج 

Source: S.O. News Service | By Shahid Mukhtesar | Published on 20th June 2019, 11:16 PM | ملکی خبریں |

نئی دہلی،20/جون (ایس او نیوز/ آئی این ایس انڈیا) سنگر ہارڈ کور اتر پردیش کے وزیر یوگی آدتیہ ناتھ اور آر ایس ایس سربراہ موہن بھاگوت پر تبصرہ کو لے کر مشکل میں پھنس گئی ہیں۔دراصل وارانسی میں سنگر ہارڈ کور کے خلاف یوگی آدتیہ ناتھ اور موہن بھاگوت پر تبصرہ کرنے کے الزام میں ایف آئی آر درج کرائی گئی ہے۔ہارڈ کور کے خلاف تعزیرات ہند کی دفعہ 124 اے (غداری)، 153 اے، 500، 505 اور 66 آئی ٹی ایکٹ کے تحت مقدمہ درج ہوا ہے۔ہارڈ کور کے خلاف وارانسی کے وکیل ششانک شیکھر نے ایف آئی آر درج کروایا ہے۔ بتا دیں بالی ووڈ سنگر ہارڈ کور نے حال ہی میں اپنے انسٹاگرام اکاؤنٹ سے آر ایس ایس سربراہ موہن بھاگوت کی تصویر شیئر کرتے ہوئے ان پرتبصرہ کیاتھا۔ہارڈ کور نے اتر پردیش کے وزیر اعلی یوگی آدتیہ ناتھ کے بارے میں بھی تبصرہ کیا تھا۔ جس کو لے کر وارانسی کے ایک وکیل نے ان کے خلاف تھانے میں مقدمہ درج کروایا ہے۔ہارڈ کور کے نام سے مشہور ترن کور ڈھلوں ہندوستان میں پیدا ہوئی تھیں۔جس کے بعد وہ برطانیہ چلی گئیں۔سنگر ہارڈ کور’گلاسی‘ اور‘موو یار باڈی‘ گانوں سے بالی ووڈ میں مشہور ہوئی تھی۔ہارڈ کور نے ’سنگھ از کنگ‘، ’بچنا اے حسینو‘، ’قسمت کنکشن‘ جیسی فلموں میں بھی سپر ہٹ گانے گائے ہیں۔

ایک نظر اس پر بھی

جھارکھنڈ میں بنے گی کانگریس حکومت، گزشتہ 5 سالوں میں بی جے پی حکومت ہر محاذ پر ناکام

جھارکھنڈ کانگریس کے ایگزیکٹو چیئرمین سنجے پاسوان نے دعوی کیا کہ ریاست میں ہونے والے اسمبلی انتخابات میں کانگریس-جھارکھنڈ مکتی مورچہ-آر جے ڈی 'مهاگٹھبدھن' کی ہی جیت ہوگی، کیونکہ لوگوں نے دیکھ لیا ہے کہ گزشتہ پانچ سالوں میں بی جے پی حکومت ہر محاذ پر ناکام رہی ہے۔

جوسر مشین، بلیوٹوتھ اسپیکر میں سونا چھپاکر لا رہا ایک شخص دہلی ہوائی اڈے پر گرفتار

دہلی کے اندرا گاندھی بین الاقوامی ہوائی اڈے پر کسٹم حکام نے ایک شخص کوجوسر مشین، بلیوٹوتھ اسپیکرس میں سونا چھپا کر لانے کے الزام میں گرفتار کیا ہے۔کسٹم محکمہ نے ایک بیان میں کہا کہ دبئی سے آئے ایک مسافر کو جمعرات کو آمد دروازے پر ہی روک لیا گیا۔

بی جے پی بتائے کہ اسے انتخابی بانڈ کے ذریعے کتنے ہزار کروڑ روپے کا چندہ ملا: کانگریس

کانگریس نے ایک میڈیا رپورٹ کا حوالہ دیتے ہوئے پیر کو دعوی کیا کہ انتخابی بانڈ سے غیراعلانیہ چندے اور منی لانڈرنگ میں اضافہ ہوگا۔بی جے پی حکومت پر نشانہ لگاتے ہوئے کانگریس کے چیف ترجمان رندیپ سرجیوالا نے سوال کیا کہ حکمران پارٹی کو بتانا چاہئے کہ انتخابی بانڈ کے ذریعے اسے کتنے ...